[المقطع الأول]
بالليل مع نفسي قاعد بشكي لقمر ١٤
ليه كل ما أقرب من حلم يا دنيا بيتاخر
وكإن الليل ملهوش آخر
مكتوبلي حبيبتي مكتوبلك نرجع بوجعنا
كل ما بنقرب من بعض الدنيا بتمنعنا
نصرخ ومحدش يسمعنا

[اللازمة]
ليه كل براح بيضيق على أحلامنا المكبوتة
وإزاي هنطير ولا هنعلى بجناحات مربوطة
وتملي أنا وإنتي أنا وإنتي الحلقة في الحدوتة
وتملي أنا وإنتي أنا وإنتي الحلقة في الحدوتة

[المقطع الثاني]
ما طلبتش أبدًا من الدنيا حق ماهوش ليا
من وجهة نظري أنا أحلامي كلها طبيعية
أنا عايزك دايمًا حواليا
والدنيا مصرة تفرقنا وتهد عزيمتي
وكإن مافيش حاجة وراها غير بس أنا وإنتي
وهموت لو لحظة إستسلمتي

[اللازمة]
ليه كل براح بيضيق على أحلامنا المكبوتة
وإزاي هنطير ولا هنعلى بجناحات مربوطة
ليه كل براح بيضيق على أحلامنا المكبوتة
وإزاي هنطير ولا هنعلى بجناحات مربوطة
وتملي أنا وإنتي أنا وإنتي الحلقة في الحدوتة
وتملي أنا وإنتي أنا وإنتي الحلقة في الحدوتة