[Testo di "Lu verbu"]

Lu Verbu sacciu, lu Verbu haju a diri
Lu Verbu 'ncarni di Nostru Signuri
D'intra un truncu di cruci happi a muriri
Pi sarvari a nuautri piccaturi

'A cruci quant'è arta e quant'è bella
Un vrazzu arriva 'ncelu
E l’autru 'nterra

A la valli di Gesù va picciuli
E ranni hamu a essiri dda
San Giuvanni avanti avanti
Cu un libru d'oru 'nta li manu ca liggia

Signuri pirdunatili 'sti poviri piccaturi!
Giuvanni, comu l'haju a pirdunari
Ca peccanu lu Pasqua e lu Natali?

Cc'haju datu lu cunfissuri
Nun si vonnu cunfissari
Cc'haju datu lu pridicaturi
Nun lu vonnu ascutari
Vo… sia a l'infernu 'nfirnali

Rispunni Maria e dici
"Cu' lu dici tri voti a lettu
Non aviri paura di fiddettu
Cu' lu sapi e nun lu dici
L’armuzza sua nni la pici
Cu' lu sapi e nun lu 'mparirà
Centu balati di focu avrà!"