[Testo di "Lu focu di la paglia"]

Lu focu di la paglia pocu dura
Quantu l'amuri di la munzignara
L’amuri ca durò menu d'un'ura
Vampa la capricciusa di malara

L'occhiu amurusu miu ti vitti chiara
Surgiva d'acqua cristallina e pura
Ma mètiri li petri di ciumara
È lu risparmiu di la fugnatura

Stannu sunannu a mortu li campani
Ora ca tu ammazzasti lu miu amuri
Lu suli ca scurò celu e lu mari
E lu me cori è chinu di duluri

Mi lu mittisti a modu di littani
Stannu scavannu fossi e sipurturi
Cercanu crozzi e mali cristiani
Pi darimi li spini 'ncanciu di ciuri