[Testo di "Carzari ca si fattu cruci cruci"]

Carzari ca si' fattu cruci cruci
Malidittu 'ddu 'nfami ca ti fici
Si miritava 'dd'anima dannata
Iddu pi primu la galera a vita

Carzari funnu, cuncavata tana
Ogn'omu di valuri t'abbannuna
Si' costruitu a 'na parti stramani
Unni nun passa mancu lu scursuni

Mi cci hannu misu a mia comu un cani
E 'ncatinatu peggiu d'un liuni
Pi pani mi manciai carduna amari
Pi acqua mi vivìa li me suduri