[[Testo di "Lu muttu anticu"]]

Cancianu tempi, cancianu stasciuni
Ma è sempri amaru 'u pani di furmentu
Pi chiddu ca travaglia a la buccuni
All’acqua, all’aria, a lu suli e a lu ventu

Cancianu tempi, cancianu stasciuni
Ma no pi cu' è custrittu a lu siccaru
Poviru corvu vola all'ammucciuni
E a tutti i banni cerca lu riparu

Lu muttu anticu mai a nuddu nganna
Comu lu ciauru ca ni l'aria senti
Ceusi russi, finocchi di muntagna
Di pani friscu e vinu di sarmenti

Di gersuminu, marva e nipitedda
E un carritteri di vespiri ca passa
Mentri assicùta di notti la luna
L'amuri canta pi la to vanedda
Di gersuminu e marva e nipitedda
E un carritteri di vespiri ca passa
Mentri di notti assicùta la luna
L'amuri canta pi la to vanedda

Cancianu tempi, cancianu stasciuni
Ma è sempri amaru 'u pani di furmentu
Pi chiddu ca travaglia a la buccuni
All’acqua, all’aria, a lu suli e a lu ventu