[Testo di "Chiovi chiovi chiovi"]

Chiovi, chiovi, chiovi
La gatta fa li provi
Lu surci si marita
Cu la coppula di sita
Nesci la cugnata
Cu la vesti arraccamata
Nesci lu Signuri
E fa spuntari 'u suli

Nesci, nesci suli
Pi lu Santu Sarvaturi
'Etta un pugnu di nuciddi
Arricrìa li picciliddi
'Etta un pugnu di dinari
Arricrìa li cristiani
'Etta un pugnu di fumeri
Arricrìa li cavaleri

Signuruzzu chiuviti chiuviti
Ca la terra è morta di siti
E si acqua 'un nni mannati
Semu persi e cunzumati
L'acqua di 'ncelu sazìa la terra
Funti china di pietà
Li nostri lacrimi posanu 'nterra
E Diu nni fa la carità

Manu manuzzi ca veni papà
Porta cosi e si nni va
Porta mennuli e nuciddi
Pi jucari li picciliddi
Porta mennuli e fasoli
Pi li matri e li figlioli

Dumani è duminica
Tagliamu a testa a Minica
Minica nun cc'è
La tagliamu a lu Re
Lu Re è malatu
La tagliamu a lu surdatu
Lu surdatu è a la guerra
Nn'assittamu cû culu 'nterra
Dumani è duminica
Tagliamu a testa a Minica
Minica nun cc'è
La tagliamu a lu Re
Lu Re è malatu
La tagliamu a lu surdatu
Lu surdatu è a la guerra
Nn'assittamu cû culu 'nterra

La la la la la la
La la la la la la la