Vurria di lu to sangu cincu stizzi lyrics

Rosa Balistreri

[Testo di "Vurria di lu to sangu cincu stizzi"]

Cu' fici amuri fici cosi assai
Fici 'na turri curazzata e forti
Prima ‘nvintau l’amuri e poi li guai
E pi spartenza cci misi la morti
Un fari comu a mia ca cci ncappai
Amuri m’hai purtatu â malasorti
Amuri, amuri chi m’ha fattu fari
Lu sonnu m’arrubbasti ni la notti

Si muddicusa comu 'na castagna
E manni oduri priziusu e vanu
'Na vota ti tuccai che era vicinu
L’oduri mi lassasti 'nta li manu
Pensa si ti tuccassi di c**tinuu
Sarìa comu lu pisci mpintu all’amu
E s’iu fussi malatu, lu mischinu
bedda vidennu a tia ritornu sanu

Vurria di lu to sangu cincu stizzi
E di la to cammisa du' sfilazzi
Vurria du' fila di 'sti biunni trizzi
Pi farinni catini, magli e lazzi
Mi ncatininasti tu cu li to trizzi
Mi ncatinasti cu 'sti duci lazzi
cunfusu sugnu di li to billizzi
sugnu lu megliu capu di li pazzi

Rosa ca si 'na rosa di jardinu
Agri e duci comu 'na lumia
Quanti biddizzi ti desi to mamma
E ti li desi pi nciammari a mia
'Un fari comu a mia ca cci ncappai
E sulu ora mi trovu alla stranìa
Ma chi ti cridi ca ti dugnu l’arma?
L’arma la dugnu a Diu, lu cori a tia

Think your friends would be interested? Share this lyrics!

A B C D E F G H I J K L M N O P Q R S T U V W X Y Z #

Contact Us DMCA Policy Privacy Policy
Copyright © 2013-2021 Lyrics.lol