Lamentu di un servu a un Santu Crucifissu lyrics

Rosa Balistreri

[Testo di "Lamentu di un servu a un Santu Crucifissu"]

Un servu tempu fa in chista piazza
Accussì prigava a Cristu e cci dicia:
«Signuri, lu me patruni mi strapazza;
Mi tratta comu un cani di la via
Si mi lamentu, cchiù peju m'amminazza
Cu ferru e cu catini 'mprigunia;
Tuttu si piglia cu la so manazza
La vita, dici, ca mancu hedi mia
Undi vi prejiu a chista malarrazza
Distruggila vui, Cristu, pi mia»

E Cristu cc'arrispunni:
«E tu chi l'hai ciunchi li vrazza?
Oppuri l'hai 'nchiuvati comu a mia?
Cu' voli la giustizia, si la fazza
E nun spirari chi autru la fazza pi tia
Si tu sì omu e nun si testa pazza
Metti a prufittu 'sta sintenza mia
Iu nun sarìa supra 'sta cruciazza
S'avissi fattu quantu dicu a tia
Sì, s'avissi fattu quantu dicu a tia»

Think your friends would be interested? Share this lyrics!

A B C D E F G H I J K L M N O P Q R S T U V W X Y Z #

Contact Us DMCA Policy Privacy Policy
Copyright © 2013-2021 Lyrics.lol