[Testo di "Sutta 'npedi"]

Sutta 'n pedi di nucidda
Cc'è 'na naca picciridda
Cci si curca lu Bamminu
San Giuseppi e San Jachinu
E susi pasturi, nun dormiri cchiù
Lu vidi ch'è natu 'u Bambinu Gesù

Sutta 'n pedi di lumia
Cc'è 'na fimmina ca cusìa
E cusìa lu 'nfasciaturi
Pi 'nfasciari a lu Signuri
E susi pasturi, nun dormiri cchiù
Lu vidi ch'è natu 'u Bamminu Gesù

Sutta 'n pedi di cirasa
San Giuseppi fa la casa
Fa la casa pi lu Signuri
Senza petri ma cu l'amuri
E susi pasturi, nun dormiri cchiù
Lu vidi ch'è natu 'u Bamminu Gesù
E susi pasturi, nun dormiri cchiù
Lu vidi ch'è natu 'u Bamminu Gesù

E nascì lu Bambineddu
Senza un filu di capiddu
Quarchi filu ca nn'avia
Comu l'oru cci stralucìa
E susi pasturi, nun dormiri cchiù
Lu vidi ch'è natu 'u Bambinu Gesù
E susi pasturi, nun dormiri cchiù
Lu vidi ch'è natu 'u Bambinu Gesù