[Testo di "La ciaramedda"]

Sona sona ciaramedda
Suspirusa so' cumpagna
Veni a fari la nuvena
Lu pasturi di muntagna
Binidittu lu pasturi
Chi va e canta a lu Signuri
Ciaramiddaru, ciaramiddaru
Fai 'na sunata supra l'artari
Ca lu Signuri quannu nascìu
Tutti li casi binidicìu

[Ritornello]
E falla bedda la ninnaredda
La ciaramedda sona accussì
E falla bedda la ninnaredda
La ciaramedda sona accussì
Oh! Oh! Oh! Oh!

Coma sciuscia tramuntana
E la nivi è 'na biancura
Fici tutta la campagna
O ch'è bedda la natura
Porta sempri lu pasturi
'Nta la nivi lu splinduri
Ciaramiddaru, ciaramiddaru
Fai 'na sunata supra l'artari
Ca lu Signuri quannu nascìu
Tutti li casi binidicìu

[Ritornello]

La nuvena quant'è duci
Duna paci all'infilici
Si la senti lu Signuri
Si l'abbrazza lu pasturi
Si la senti lu Bamminu
Binidici lu caminu
Oh Ciaramedda sona ca sona
Ca l'arma nostra si fa cchiù bona
Mentri ca sona sutta li stiddi
Inchi lu cori a li picciliddi

[Ritornello]