[المقطع]
ربك بيعلّي بعدين يذِل
ساب الغراب على الأرض بيدِل
عمري ما برشد لو على جثتي
بس أنا قصتي هنا إبتدت بالغل
بس أنا، أنا عمري ما فهمت النفوس
قولّي عايز الصيت ولّا الغنى؟
عمري توبي ما كان النفاق
ولا كان الصفار ده طقمنا
وسط القروش لازم تبقى إنتَ حوت
لازم تعيش في المحيط
وإنتَ عارف السكة لما تتوه
هتلاقيني في الغويط
قُلت كتير بس ما حدش بيسمع
مع إن حواليّا ملايين، ملايين
عشان نسينا، كنا في يوم ولاد تسعة
صح إننا ملاعين، ملاعين
غنّي في الضيقة، آه يا ليل، آه يا ليل
قول للي باعني هو فين وأنا فين
لفّي بينا، لفّي بينا يا دنيا
رايحة بينا على فين؟ على فين؟
ما تورينيش الكلام دوة هنا
ما بنمشيش بالكلام جوة العلب
خَدتي مني بقى كام على كده؟
عشان نعيش الأحلام في القاهرة
سمّيني نجم أو سمّيني الظاهرة
بحرس نفسي زي العين الساهرة
أنا شُفت الظلم إللي بيخلّي العاهرة
تسيب البلد ويجمعنا القرف هنا
أنا كنت بين الغرقان والباخرة
بس إنتَ خُنت وإنتَ عارف أنا غير
ما إنتَ عارف إن الغدر ده طبعنا
ما بقيتش عارف أنا الشر ولّا الخير
ربك بيعلّي بعدين يذِل
ساب الشيطان ع الأرض بيضِل
هيدّيك الجنة بس هتفضل في النار
لازم في الأول ينسّيك إن ده
ربك بيعلّي بعدين يذِل
عملت الصفقة تحت الضل
عملت الطبخة تحت السلم
وأنا بوصَّل زي السلك