[Strofa 1]
Teste fascië 'nscià galéa
Ë sciabbre se zeugan a lûn-a
A mæ a l'è restà duv'a a l'éa
Pe nu remenalu ä furtûn-a

[Ritornello]
Intu mezu du mä
Gh'è 'n pesciu tundu
Che quandu u vedde ë brûtte
U va 'nsciù fundu
Intu mezu du mä
Gh'è 'n pesciu palla
Che quandu u vedde ë belle
U vegne a galla

[Verse 2]
E au postu d'i anni ch'ean dexenueve
Se sun piggiaë ë gambe e a mæ brasse neuve
D'allua a cansún l'à cantà u tambûu
E u lou s'è gangiou in travaggiu dûu

[Verse 3]
Vuga t'è da vugâ prexuné
E spuncia spuncia u remu fin au pë
Vuga t'è da vugâ turtaiéu
E tia tia u remmu fin a u cheu
[Chorus]
E questa a l'è a ma stöia
E t'ä veuggiu c*ntâ
'n po' primma ch'à vegiàià
A me peste 'ntu murtä
E questa a l'è a memöia
A memöia du Cigä
Ma 'nsci libbri de stöia
Sinán Capudán Pasciá

[Verse 4]
E suttu u timun du gran cäru
C'u muru 'nte 'n broddu de fàru
'na neutte ch'u freidu u te morde
U te giàscia u te spûa e u te remorde

[Verse 5]
E u Bey assettòu u pensa ä Mecca
E u vedde ë Urì 'nsce 'na secca
Ghe giu u timùn a lebecciu
Sarvàndughe a vitta e u sciabeccu

[Middle Eight]
Amü me bell'amü
A sfurtûn-a a l'è 'n grifun
Ch'u gia 'ngiu ä testa du belinun
Amü me bell'amü
A sfurtûn-a a l'è 'n belin
Ch'ù xeua 'ngiu au cû ciû vixín
[Chorus]
E questa a l'è a ma stöia
E t'ä veuggiu c*ntâ
'n po' primma ch'à a vegiàià
A me peste 'ntu murtä
E questa a l'è a memöia
A memöia du Cigä
Ma 'nsci libbri de stöia
Sinán Capudán Pasciá

[Verse 6]
E digghe a chi me ciamma rénegôu
Che a tûtte ë ricchesse a l'argentu e l'öu
Sinán gh'a lasciòu de luxî au sü
Giastemmandu Mumä au postu du Segnü

[Refrain]
Intu mezu du mä
Gh'è 'n pesciu tundu
Che quandu u vedde ë brûtte
U va 'nsciù fundu
Intu mezu du mä
Gh'è 'n pesciu palla
Che quandu u vedde ë belle
U vegne a galla