[المقطع الأول]
بادئ من الصقر للخنزير
ملحوظة البمبي ده مش صبغة
نظارة ودخان كتير
بيمرهم إيده عشان السقفة
عايزين يكسرولك سقفك
ويهِدوا دماغك بيه
طاير بالشمسية في شمسك
صعب تعرفوا اللي أنا فيه
بستنتج مش بستنى نتيجة
ركز ترجع أنتيكة
ع الرصيف متبهدل رسمي
من كتر لعب السيجا
أنا ممكن ألوّن وشي وأحور
عفريتي مش بينور
أخدتها على حجري نامت
صاحية تاني يوم بتدور
راكب طيارة مستنيها
وما عملِتش حسابي
جبت الناس تتشمت فيها
بس كان من غير ذكر أسامي
مش هنقول ومش هنعيد
مضايق مَوّت نفسك
هتسمع التهديد غمض عينك وإكتم نفسك
ياه
[قبل اللازمة]
مش هنقول ومش هنعيد
كلام عديم الفايدة، منه مش هتستفيد
(بسرعة) لو عندك حاجة قولها بسرعة
الدور بيجي عليك وما بتلحقش الجرعة

[اللازمة]
بتكلم صح بثقة في النفس
بس أصلاً دوة غرور
شدتني بكلمة، إزاي؟ مش عارف
لأ ثانية، أنا كده مبهور
لأ آسف، بكدب بعمل زي كل الناس
بكح كلام بس من نفسي قاعد وبعِد الأنفاس

[المقطع الثاني]
جاري الدخول في العقول المريضة دية
اللسان يدوق الحلو والضروس تعذب فيا
بنسى التمثيل وأركز في ديكور المسرحية
الوَش ورا وداني سامعه بيقول أفكار منفية
أنا لون، أنا حق، أنا سم، أنا ديب
أنا مهما هتجري ومش هتجيب
أنا غطيت وشك بالمنفاخ
إفتح بوقك للتدخين
بوق الناس تتعَجن فيه
بوق الناس تتعجب فيه
طب ميّز الفرد لوحدك وهنبرم سوا للتكيف
أغلى أباجورة هنا مش شغالة
إعتبرني لَبست العمة
أتجول في الجوالة
ومخي في جيبي محوش نبلة
دبلة في جِبلة
وجبنا الدبلة
بعد ما كلنا الرُبعين
الكلمة في كلمة
في وسط الكلمة
زي الناس اللي بوشين
ياه (تاني مرة)
[قبل اللازمة]
مش هنقول ومش هنعيد
كلام عديم الفايدة، منه مش هتستفيد
لو عندك حاجة قولها بسرعة
الدور بيجي عليك وما بتلحقش الجرعة

[اللازمة]
بتكلم صح بثقة في النفس
بس أصلاً دوة غرور
شدتني بكلمة، إزاي؟ مش عارف
لأ ثانية، أنا كده مبهور
لأ آسف، بكدب بعمل زي كل الناس
بكح كلام بس من نفسي قاعد وبعِد الأنفاس

[المقطع الثالث]
بكتب وأنا في الأسبوع التالت
صامولة في مخي والمسمار فالت
Jeep العجلة في ظهري، تشوفني تقولي
واقفين في أرضي زي قشر اللب
إلعب في الدايرة ومَوّت ناس
علق على وشك نسناس
مرسوم في بنك الحظ خط بيفصل الأحداث
جيب من الآخر لا أطرقع فيك
إنتَ فرخة وكلامي فريك
الجوع بيأثر على كتابتي
شايف العرف في عرف الديك
ياه
[قبل اللازمة]
مش هنقول ومش هنعيد
كلام عديم الفايدة، منه مش هتستفيد
لو عندك حاجة قولها بسرعة
الدور بيجي عليك وما بتلحقش الجرعة

[الخاتمة]
داما
بثقة في النفس (Yeah) بتكلم صح