[Testo di "La crisi"]

[Strofa 1]
Dice 'o pate: "Ma addò jammo?"
Figlie meje, ccà appena ascimmo
Limitate, addò accustammo
So' denare ca spennimmo
Quatto pe sta â riva 'e mare
Si vulite, v'accuntento
Ma però a cacciá denare
Nun c'è cchiù divertimento
E si piglio 'o tramme e ghiammo
Simmo nove, addò arrivammo?
Si trasimmo 'a nu dulciere
Quanno è doppo 'o cammariere
Pure 'e cinema so' care
Cinche e trenta e so' denare
Comme fanno tutt''a gente
Nun pavammo 'o riesto 'e niente

[Strofa 2]
Songo amico 'e nu cugnato
D''o 'mpresario d''o Russini
E conosco pure 'o frate
D''o custode d''o Bellini
Addò jammo ce piazzammo
E addu chisto e addu chill'ato
Sempe a scoppole passammo
Cocche vvota aggio pavato
'O triato nun se pava
È na piaga ca dilaga
E c''o capo d''a famiglia
E ogneduno cerca e piglia
N'ata sera ô Mercadante
Comme 'o llargo 'e piazza Dante
Te fa pena d''a guardá
Ccà nisciuno vò pavá