[اللازمة]
ما عوزناش حاجة من الدنيا وكانت مش حاضرالنا
قبل أما نشوف النور اللي في الدنيا شوفنا الضلمة
النور يباصي أنا هخش تيجي في المرمى

[المقطع]
أيامي بتفوت، كلنا هنموت
وأنا ساقط ماس فما بحسبهاش
‫لميت الـ Loot، فصلت الـ Suit
إتفضل فوت، إنت ألا نقاش
صاحبك قلود وإنت القلوط
وإنتو الإتنين تتباعو ببلاش
لأ مش محسود، من غير مجهود
في الحيط مهبود فلبستك بوت
وأنا مش مبسوط، إنتم في هبوط
روحوا الإنعاش
وقاعد مع نفسي بقنعني
موهبتي دي أعلى من إن إنت تستغنى عنها
وتبطل كتابة وتبطل كأبة
وتبطل تعيش الضحية ومتهم
ده مخك من دهب
ليه مخك في دهب؟
ما أظنش تفكيرك في الماضي هيرجع يصلح الشيء اللي ذهب
ما أظنش باراتي كتير بتتفهم
لو إنت فهمتها مش عايزك تفهمني أنا غلط
يصح إني أعمل معاكم الغلط
والغرض إن إنت تضايق تتجلط
والزلط بناكلو يتزلط
مفترض إن أنا أصدق كومنت من عيل بريالة على صفحة للراب
أو أهبل بيقولي إن كتابتي مش حلوة فأصدق كلامه ويجيلي إكتئاب
باب، أنا مش باب، أنا دبابة
أنا دباح، أنا سفاح الشلة
راب، أنا مش رابر
أنا راب شخصياً والشهرة في الڤيلا
ما تخافش أنا في المطار مظبط مع ناس هتستقبلنا
العيشة كانت صعبة مش سهلة خالص بس عادي قومنا وكملنا
[اللازمة]
ما عوزناش حاجة من الدنيا وكانت مش حاضرالنا
قبل أما نشوف النور اللي في الدنيا شوفنا الضلمة
النور يباصي أنا هخش تيجي في المرمى
ولو ضاعت الحمد لله عادي ده كان قدرنا
ما عوزناش حاجة من الدنيا وكانت مش حاضرالنا
قبل أما نشوف النور اللي في الدنيا شوفنا الضلمة
النور يباصي أنا هخش تيجي في المرمى
ولو ضاعت الحمد لله عادي ده كان قدرنا