[اللازمة: عفروتو]
لو الغلطة دي مش غلطتي أنسب لمين أخطائي؟
فكرت كتير هو العيب فيهم ولا العيب في راسي؟
دول بيبيعوا ودول بيساعدوا، في لحظة نشقلب الأوضاع دي
ناس بتمثل، ناس بتخون وأنا مش على بعضي
لو الغلطة دي مش غلطتي أنسب لمين أخطائي؟
فكرت كتير هو العيب فيهم ولا العيب في راسي؟
دول بيبيعوا ودول بيساعدوا في لحظة نشقلب الأوضاع دي
ناس بتمثل، ناس بتخون وأنا مش على بعضي
يا-يا-ياه
(روح، روح، روح، روح، روح)

[المقطع الأول: مروان موسى]
دايرة شك حواليا
هو إنتو معايا ولا عليا
دم لسه على إيديا
والنهاية جاية جاية
وصلنا ع الـ ‭‫Location، خلصت الرحلة
الليالي عتمة والنهار بيحرق
الليالي السودا مش بفتكرها
بس في الليالي البيضا القعدة تحلى
إيه، تسألنيش، أنا مش فاكر
جوة دماغي ناس بتهاجر
مش عارف الأول من الآخر، آخر
زود شوية يمكن أفتكر، يمكن أعتذر
ال‭‫ـ File إتدّلت، الهارد بيتكسر
لما الصحاب قلِّت الصداع كتر
نفس السؤال دايماً يتسإل
[اللازمة: عفروتو]
لو الغلطة دي مش غلطتي أنسب لمين أخطائي؟
فكرت كتير هو العيب فيهم ولا العيب في راسي؟
دول بيبيعوا ودول بيساعدوا، في لحظة نشقلب الأوضاع دي
ناس بتمثل، ناس بتخون وأنا مش على بعضي
يا-يا-ياه

[المقطع الثاني: عفروتو]
اللي بيحصل مش حقيقة، أنا مش عارف أنا مين
خايف أنام ألاقيه أو أصحى ألاقيني غريق
لا يا عيني ما تناميش، لا يا عيني ما تناميش
ما في أب وأم تقسى فمش هآمن لصديق
من صغر سني بتعامل غريب
فالضربة جاتلي من القريب
عارف إن طبعي دايماً مريب
فبيلوموني وأنا البريء
عرفت ناس ما بيصونوش
بس على أشكالها بتقع الطيور
العبد لله أضعف خلقه يا سيدي
مش عارف أنقذ نفسي وبقول ظروف

[اللازمة: مروان موسى]
إيه، لو الغلطة دي مش غلطتي ليه الماضي مطلع بصمتي؟
شاكك حتى في دايرتي، أنا مش على بعضي
(روح، روح، روح، روح، روح)
قلقان من الغدر وبنام على الفجر بتجيلي أحلام بتصدعني
فبفضي الدماغ وبصب في الكاس برضو نفس الإحساس ده بيرجعلي
[المقطع الثالث: مروان موسى]
إيه، آسف بس أنا عملت مصيبة
ساعات بتهور وأبقى أعمى
أنا اللي مضيع الخريطة
كده كده مش هنلاقي أي معنى
العيب في الورق اللي جالي
آه، ماشي العالم إرتجالي
إيه، كان نفسي بس أعيش في حالي
دايماً برجع أسأل نفسي تاني

[اللازمة: عفروتو]
لو الغلطة دي مش غلطتي أنسب لمين أخطائي؟
فكرت كتير هو العيب فيهم ولا العيب في راسي؟
دول بيبيعوا ودول بيساعدوا، في لحظة نشقلب الأوضاع دي
ناس بتمثل، ناس بتخون وأنا مش على بعضي
لو الغلطة دي مش غلطتي أنسب لمين أخطائي؟
فكرت كتير هو العيب فيهم ولا العيب في راسي؟
دول بيبيعوا ودول بيساعدوا في لحظة نشقلب الأوضاع دي
ناس بتمثل، ناس بتخون وأنا مش على بعضي