[Hook: Schmidi Schmidhauser]
I bi ne Streifgänger
I streife dür d Stadt
I streife dür d Loubä
U i streife dür d Gassä
Suächi nach dir, suächsch du nach mir

[Verse 1: Leduc]
I ha gmeint ds sigi si, wo dört ä Zigi zieht
I zieh um d Hüser und gseh üs überau eis am zieh
Weiss äs isch nid itz, di Loubä Fotoaubä
Jedä Eckä ä Spiuvrderber, lug jedä Tag jedi Bar, ah
Säg mir Planet, wüu i dräihä witr mini Kreisä
Obwous mi us dr Umloufbahn schlaht, we mir üs streifä
Besser umäloufä aus stah, hei si mir gseit
Drum gsesch du mi verrus
Drum gsesch du mi für üs vorus gah u glich hingerdri
Si fingä mi scho jensits, obwoui no läbä
Doch weisch d Erdä isch rund, wes stimmt, was si so sägä
U drum, drum geisch du wäg u chunschmr glich so entgägä
U drum, drum triffts eim, wenn Blickä eim träffä
Wüu jedes Oug ä Saturn, so wi d Ringä drum dräihä, lug
Dunkli Streifä wi vo Reifä wo brämsä
Und überau womer hei ghautä, suächi di Spurä

[Hook: Schmidi Schmidhauser]
Suächi nach dir, suächsch du nach mir
Loufi zwit vorä, odr fougi dir zwit hinger
Suächi nach dir, suächsch du nach mir
[Verse 2: Lo]
Si sägemer d Zit isch riif, aus chönntisä pflückä
Sä abläsä vomenä Struch mit grossä grüänä Zifferbletter
Abr si schlaht keni Wurzlä, wüu weisch
D Zit isch ender ä Paradiesvogu, flügt ah mir vrbi imnä farbigä Fäderchleid
Si vrgeit wi im Flug, und i weiss nid was ds bedütet und
Di Zeiger rennä witr, lug
Nur bi dir blibäsi stah
Und du hesch mini Wäut ufä Chopf dräiht
Sit däm gahni ganz langsam im Handstand dür di Stadt (ganz langsam)
Und i binä chline Kurt Cobain
Stirbä vo däm Schuss wo mi het *gunshots*
Lug iri Schminki und ig hei üs vrloffä, lug
So stahni da mitem Louf vodr Zit ah minerä Schläfä
Bye bye, scho gli isches Märzä


[Hook: Schmidi Schmidhauser]
Suächi nach dir, suächsch du nach mir
Loufi zwit vorä, odr fougi dir zwit hinger
Suächi nach dir, suächsch du nach mir