[Intro: Leduc]
Bärn, du bisch mi Henker
U glich hangi ah dir

[Verse 1: Leduc]
Henker, du muesch pressiere
D'Zyt schaffet nid für nüt
Je lenger mir hie wärche
Desto ähnlecher wärde mir üs
Desto ähnlecher de Muure
D'Autstadt isch es Schattetal
Ds Münster isch dr Gaugä
U d'Aare dr Strick um mi Hals

[Bridge: Leduc]
U we sech ds Seili spannt
Spiu uf dere Saite es Lied
Vom Wätterhahn, wo chräiet:
„Nachem Wind richti mi nie, nie, nie“
Nei we sech ds Seili spannt
Spiu uf dere Saite es Lied
Vom Wätterhahn, wo chräiet:
„Nachem Wind richti mi nie“

[Hook: Leduc]
U fahri mit de Händ dene Wänd entlang
Nimmts chli mi u nimmts chli Sand
Weiss chum, Bärn i bi
I weiss chum, Bärni bi
Di Stadt, di schlyft mi langsam ab
U scho gli bini nümm da
Weiss chum, Bärn i bi
I weiss chum, Bärni bi
[Verse 2: Lo]
Henker, du muesch pressiere
Chum leg mir di Schlinge ah
U de Strick hei si mir dräiht
Us was i bosget ha
I gsehs mir ah, i mues gli gah
Wüu d'Zyt schaffet nid für nüt
U je lenger mir hie wärche
Desto weniger blybt no vo üs
I risle mir scho dür d'Finger
Nei mi hets hie nüme lang
Lieber steinlets mi itz us
Schüsch blibt vo mir numeno Sand

[Bridge: Lo]
U wesech ds Seili spannt
Spiu uf dere Saite es Lied
Vom Wätterhahn, wo chräiet:
„Nachem Wind richti mi nie, nie, nie“
Nei wesech ds Seili spannt
Spiu uf dere Saite es Lied
Vom Wätterhahn, wo chräiet:
„Nachem Wind richti mi nie“

[Hook: Leduc]
U fahri mit de Händ dene Wänd entlang
Nimmts chli mi u nimmts chli Sand
Weiss chum, Bärn i bi
I weiss chum, Bärni bi
Di Stadt, di schlyft mi langsam ab
U scho gli bini nümm da
Weiss chum, Bärn i bi
I weiss chum, Bärni bi (Nei i weiss chum)
U fahri mit de Händ dene Wänd entlang
Nimmts chli mi u nimmts chli Sand
Weiss chum, Bärn i bi
I weiss chum, Bärni bi
Di Stadt, di schlyft mi langsam ab
U scho gli bini nümm da
Weiss chum, Bärn i bi
I weiss chum, Bärni bi
[Outro: Leduc]
Und i hange ah dere Stadt
I luege scho lang di Gasse z'dürab
Bärn, du bisch mi Henker
Bärn, du bisch di Henker
U glych hangeni ah dir
Glych hangeni ah dir