[المقطع الأول]
آه من الفراق
اللى يتفقوا الحبايب فيه يبقوا صحاب
آه من الفراق
اللى بنشوف الحبايب فيه
دة أصعب عذاب
أصعب عذاب

[اللازمة]
ويا عيني على اللي كان بيحب التاني أكتر
بيهرب من المكان وبيبقى عذابه أكبر
ويا عيني على اللقا من غير غيرة وعتاب
دا مفيش بين الصحاب غيرة وعتاب

[المقطع الثاني]
وافقته غصب عني
ووافقني غصب عنه
ما بانش ضعف مني
وما بانش ضعف منه
ومشينا كل واحد راضي بالإتفاق
وبان حزنه كله
وضعفه لما فاق

[اللازمة]
ويا عيني على اللي كان بيحب التاني أكتر
بيهرب من المكان وبيبقى عذابه أكبر
ويا عيني على اللقا من غير غيرة وعتاب
دا مفيش بين الصحاب غيرة وعتاب
[المقطع الثالث]
دلوقتي لقانا هادي
قال يعني شوقنا غايب
ويبان كلامنا عادي
مع إنه كلام حبايب
وإن شوفته ويا غيري
مطول في السلام
وشافني شايفه يعند
ويطول في الكلام

[اللازمة]
ويا عيني على اللي كان بيحب التاني أكتر
بيهرب من المكان وبيبقى عذابه أكبر
ويا عيني على اللقا من غير غيرة وعتاب
دا مفيش بين الصحاب غيرة وعتاب
ويا عيني على اللقا من غير غيرة وعتاب
دا مفيش بين الصحاب غيرة وعتاب
ويا عيني على اللقا من غير غيرة وعتاب
دا مفيش بين الصحاب غيرة وعتاب