["كلمات الراس "اعجقها]
خصلة شعر البلد عالتسييف
بين صيغتين تفضيل للتشريف
ناس وريف
عم تصلع دولنا احلقلها عالخفيف
بكتب نصي كاني عم امحي حدودي بالمراية
بتصيبني الرغشة كاني موحى اليه قبل اية
سنان عحبل السرة لا حكيم لا داية
تاملي ايقاعي فالافكار بتجي مقفاية
بدل اثر صرماية بترك علامة استفهام ورايي
مش حامل علم انا عم خيط حرف الراية
عم حاول عن دراية ابني صرح طرح شكري
قيح جحد حربك بدي طهره بسكري
بجرعة مدروسة من دمعي تما يفش حبري
ما بشم غبرة ولا بشك ابرة
ما بدعي الفن الا بادوات صبري
خلي السؤال للكفن والجواب لحجر قبري
هرم الاعمار بيشبه هرم الدولار
فبنضطر نطور الات تفكيك احجار
تشبيك افراد
صدى صوت جامع سميها اوراد
جليد بحضن الزمن سميها براد
بدراجه جتت فايقة عم تلعب شطرنج
بغياب الخوارزمي ميت حكيم بنج بمرستان البلاد
والعارض صار مزمن والمهرج صار مرعب
يشجع الشباب ويشع حيوية
مصعب ومتعب
اذا كتره عليك عجقها
اذا اعرض من زلعومك وقف تبلعها بزقها
اذا بلعك يوم ووعيت نهار بمصارينه خزقها
اذا لحظة بهجة اقنصها
اذا ضربت على اوتارك حاج تقاومها ارقصها
اذا رقد البن وملت الرغبة وخرست اللوحة اخبصها
اعجقها اعجقها اخبصها
كلمتي مش بس طس على الورقة نار
رسم عتخطيط دماغ شكل مش مالوف
صنعتي مش رش على سطح راسي غار
مش بس نص كلمات بدك تسمع بالحروف
مش نص لص نغمات عرفتني انا الزلوف
فهيهات يابا حبري بن جافا انا بحصة عالطريق عم تفركش ميركافا
هيدا مش راب بل ترويض لافا
تاريخ شهود جبرتي بامبابة
الان هسا هلق الحين دلوقت دابة
توا توا توا سوا بيت بضوا
بنارها بيت مي حاووز عالجبهة
شفيق كالكبها فرس هاء بركبها تالفهرسات كركبها
اسراء معكوس محراب مطمور بين الخرطوم وابها
وسطى العصور
ملك ارثور اخفاء كؤوس خمر قدوس من دمه بقانا صبها
دايما احلام تبدا بالنص عقلي بدايته جبها
متل مذيع سال زعيم هلقد بتحب طرابلس تباني قصرك فيا
كان في يسال المينا اذا تزوجت عن حب او اكراه
كان في يسال المينا كان في يسالنا وكان فينا
