["كلمات الراس "ايروبكس]

خليها تكون واضحة شغلي كوم وهيدا التراك كوم
عم ارميهم من منطادي حتى اعلى بالالبوم
ما بدنا مشاكل يا ستي
بأمرك يا ستي... اسمع ولا

[المقطع]
بتشوفوها جمل حلوة بنشوفهن عاديّات
لعب بالابيات محلوبات من ايام وحي العاديات
زمن فات دون ما يبلش خلص عهالديّات
التوك فيكن المشكل مش بالبوم باب
راب قبور تفينا بوجه توم داب
راب مصاصي دماء بس منزوع ناب
ايار 17 و7 انتو ونحن 22 اب
ترجم هي "يور غون ويذ ذا ويند" وبتحملنا ريح هاب
مفكر حاله خالد قد ما يشيب شاب
نحن الراب العربي انتو الهيب هوب (تعريباً)
قبلتنا هيا هون كعبتكم بنيو يورك
انتو ربيته بمحميات ونحنا كرايزي هورس
عندنا الدين معاملة انتو معاملتين
عطاكن الله قضامة نحن عطانا الضرس
وبفضل الفستق اصلا فيه لب ادسم
حتى لو قشرته اصلب بيظل اسلم
اذا بحكم المنطق بنهجك بينهار معلم
من معالم الكره بس منين بتجيب هلقدسم؟
اكيد فيك جنب القلب بير حقد
كنت بفضل ظلني ساكت بس الصمت فيك ذنب
عم فكر شوف فيك مزبلة وديك
برجع بلاقيك عم تترنح تحت دنب كلب
نحن راب ناس بالناس فوانيس ما ناست
انتو قطط مزابل تنافس نفاس
صحوة بغثيان بن فاسد
اخرتكن مكتومين عند بن راشد
خليكم مهابيل عند بالراشد
جريمة تحب قصيدتك بنت قاصر
ومش قصة سياسة ومين بتناصر
ولا قصة اصالة ومين بتعاصر
ما كل مين صف صواني صار حلواني هيدا خط فاصل
قال حكيني فيديو شكله الخط فاصل
لك تضرب منك اله شكله اللف عاطل
لازم حدا يقلك بقا ايدي موقع اخباري
هيدا كف عاجل
فرق بين صوت السوق وصوت الشارع
نازل تجيب حق ولا نازل تتاجر
هيدا اصبعي التالت مارسيل غانم
اذا البرنامج نفسه انت تامر وانا كاظم
كلامك ملامة وغيرة مش اكتر
جديد متل الشب عرونقي بحافظ
عاش ابو وديع والموت لابو حافظ
بس طز بالشعارات شو قدمته للثورات
غير جمل يافطات او تعالي واعظ
عيونكم وقحة معالي زايد
نحن بنخرق الحصار متل الصوت رائد
عربيتك لللي ضعيفة واعصابك البليدة مش رابنا المامبل
بيتاتكن سردين باك سامبلز
مختال فخور اه سوري صعبة عليك طب بيتش بي هامبل
بنعدد المواهب متل الياكوزان والاصلي
عم نجمع توابل نعمل عليكن مندي
انا اصلع بعوينات قام فكروني غندي
عاصرك مع صنوبر كوب تمر هندي
لما بسمع بو كلثوم دوم بتمر شدة
يطلبني الوتر أنا بجيشه جندي
فيه رابرز كتار قد ما كان الاختلاف
مستحيل اعمل اندو لاحترامي لشغلن
بنبقى بنتطاوش بكرا بس نغلب
محصن بالجليد pimp my igloo
ما في صفر مشاكل داوود اوغلو
لما الدرويش حينزل تراكاته فيه أرواح رح تنشفى وفيه دم رح يغلي
ما حبوني طرابلسي بكرجلن نغلة
أول ما فتنا عالساحة قلب تقويمن هجري
هيا إلى الحبشة
بتظل تهوبر قده للمحراك انت اذا كمشك؟
بدك البوم حتى يرف رمشي
بلاين ونص أنا بهر نمشك
غلطانين اذا مفكرين المسوخ بس عالخشبة
نحن كل البلع وجعه تيظل منتصبا
تفو عخلقتك بتعيب عالناس مرضها؟!
وانت عدوى أطفال mc حصبة
طافيين لهبك وما في إمرأة بالكون بتحمل حطبك
تعبانة صورك ببلاي بوي فيه اذكى
والانكى أول معتدي واول شكا
عاداتي اهدي الشوارع بيلبقلك حائط المبكى
"علاقتك بالتراث ماركة، منافسك لوح بسكويت "دبكة
انت بتخلق من السكوب ملل شرطة وجبلة
نحن بنعمل من السكوت حبكة بليغة متل حمدي
نتوخى الدقة نحن زيت السمكة بنغذي الدماغ انت غلاف الشبكة
نظرة بلاستيك بتطلع ببلايلست بسب الكلاود وبقلب عالسينابتيك
بسرغس
حتى شيل طعمة مرارتك ترمس
برافو محافظ عحرارتك ترمس
هالضجر بتركاتكم الام يرمز؟

مين بحرفته مغروم مسكون بهم تطويرها
ومين صنعته مشهور مبسوط بكم تشييرة
حتى الذكا الاصطناعي بيكتب احسن منكم
سهلة بكم خوارزمية نكتب سكريبت يلخصكن
معقول مش موجودين وفي حدا مبرمجكن
ما بينرجم فيكن بس التقى اللي يدحرجكم
شمالي الهبوب السلّام من النرويج
الحواري لما تضوج ابنها بغربته بيحرجكم
بنعارض الاهل بس بنحترمهم
انتو اهانة للراب شكله دويري اللي مخرجكم
"اكتشفتوه مع امينااام اكتشفنا مع انتيك و"ام ب اس
"حاربتونا بثوريتنا رجعتوا تناولتوا الحرية من قشورها "ام بي اس
ما كنا نعرف حدا بهالمدينة وانتو فيها الكسالى اصحاب الامتياز
انتو النأي بالنفس نحن عدم انحياز
بتهرجوا بشوات محمود مايكل
بنثبت اساسات جلمود هيكل
لاجري التايتلز روح خود جوائز
بتغنيني السيارات لما تبوح نوافذ
انت ديكور جنايز
انت حبر ميت من زمن يوحنا بولس نحن حِبر حي للابد خليل روكز
بالعروبة مؤمنين بس سوبر مبعوصين اني بروح عتونس
بسيطة هانت
مستقبل باهر بحط عوينات المكاوي لمنع التفونس
قد اينعت راس الحجاج بن يوسف
تكبر عالتكبر، مش هون التركيز هيدا تراك بونس
منتجات معولمة بالنكهة المحلية
ماك منسف حلال شيتوس عكبة نية
كيف بتميز؟
بتفرق بروح النص بالنطق بالنية
فيك تسمع مهندس تفهم انه القضية مش حروب مدارس
فيه فلو جالس متل نبوغ مقاطعة
وفي فلو راقص متل ينبوع الناظر
وفي فلو بائس
حتى بتمارين مسائي ما بهمش المعنى
هيدا مقطع عناوين بيهمش مين معنا
بخناق 2 منكم ما بنعرف نحن مع مين
متل الصراع الانتخابي باسرائيل متل بري وباسيل

عداء من نوع خاص سميتك اعدقاء سوريا
تمك مليان بس قعدة قات احساس كاذب باليوفوريا
بلا كتاب بطبخ محاشي على باتنجان وصاحبك
انت بيتاتك اندومي عند الاختصاصي ساحبك
ماني رابر استثنائي بحاول اعمل بتكليفي
ايام بشبه عدوي دم بدم دايفيد ليفي
نحن صعاليك وغربا وقلوب مليانة
انتو حاجز عنصري بده يشوف جزداني
ايه كول رمانة، فيه راب لبنان وفيه راب لبنانييي
ما هو فيه وديع الصافي وفيه غسان رحبانيييي
حلومي قصدي تشيزي برو
مش مشكلتي تفك بالانكليزي برو
بس بربك قول شي قولي حاجة اي حاجة
حاسس حالي بفلم مصري ناديا لطفي برو
كرمت ذا فروغ؟ ضفدع كامل؟
سلامك من درون تجار انامل
ما في مختار هون بعد موت محمد شامل
تحية لغرافرز لغموا الحيط الهزيل
الله يساعد السنافر جاب فاند شرشبيل
هون ما الك حدا بمصر الي كتير
ما تتفاجئ اذا بيوم رديناك عالبير
شارب من النيل طيب صحة وهنا سلم عشيرين
انت شخصية بهاي سكول ميوزيكال "اجيبشن باي" بهشاشة بولي
نص الوقت تنمر نص الوقت بكي
بتقطش راس الراس واو ذكي
انت تركي بس مملوك مش غزو
ما بيحكي عنا بالفلوس غير صبي
اشكالك البتخون وكلنا رح نموت فقاعة سراب ابو ظبي
بتنطنط بالفلو بس عقلك حبي
عكل مفهوم منصب نفسك نبي للهزيمة قديمة يا برو
مع لمسة ترول وتلميع اوفر اول
ولما بيغريني الحنين للطفولة بسمعك
بالحقيقة بيعنيني تاخد بطولة بمطرحك
لانه الطش التاني كارثة
بس فجأة ممكن قرر إنه يوماً ما اعتبرك بارجة
وإحرقك

كل مين مسك معنا مايك كل مين حضر معنا عرض
كل مين قتل معنا بيت كل مين هز معنا ارض
كل مين غنى معنا حرف كل مين حفظ لازمة
كل مين مشي معنا الدرب بالطالعة والنازلة
بوجه القهر واقفين تنحطم زنزانته
نعطي احسن ما فينا حتى ياخد امانته الرب