قلي انك معاي وانك ضايل للاخير
هالفترة انا مش تمام كنت منيح وانتا قريب
وانو صدري من الدخان صاير فيه مخرج حريق
كيف صعب هالطريق اللي معك كان حرير
توقع من راسي اسماء مريت بسبعين خريف
كل الناس غراب حتى مع حالي صرت غريب
ضل في طعم لأي مكان بيوم مشينا فيه
كلنا بدنا شوية حب وكلنا منرضى بالقليل

ولع دخن بالسيكارة سوق بطريق المطار
ذكرى ضلت عالاشارة صورة وقفت فالإطار
وبكل لحظة الدنيا دارت بكل لحظة انكسار
كلنا بدنا حد يحبنا زي ما احنا وشو ماصار

من السهر من السهر صرنا صحبة مع القمر
في جزء مني ضايع او من عيني انسرق
هينا نمنا من التعب هيني صاحي من الارق
اكتب رسائل جوا حالي فاضي كلو هالورق
وقف العالم بطل يدور تتركني بعز الظلام
وترجع لما تشوفها نور مش بالحرب وبالسلام؟
مش كانت هادي الوعود مرت فترة ما بنام
ياروحي بطل عندي روح او كان فيي عقل وطار

ولع دخن بالسيكارة سوق بطريق المطار
ذكرى ضلت عالاشارة صورة وقفت فالإطار
وبكل لحظة الدنيا دارت بكل لحظة انكسار
كلنا بدنا حد يحبنا زي ما احنا وشو ماصار