Ena Chkoun ?!!
Ena jeune étudiant mel capitale
Hmelt w fsedt 3omri 20 snè w battal
Fadit mel 7ouma w wled el 7ouma wel vise
Fadit me risque w les menottes mta3 el boulis
Ena Chkoun?!
Ena Bnaya sghira kleha dhib
5abit 3la baba w omi nsit mamchitech ltbib
5ayfa la yfi9ou bia nti7 men 3inin el kol
Ya3rfouni bnaya 3a9la w yadhrbou bia el mathal
Ena chkoun?!
Ena ostedh fadit men 3rè lebnet
Yjiou ya9raw lel lycée mnadel ma7loula w boudiette
Ma3adech fama e7tiram bin l’ostedh we telmidh
Mani ela l7am w dam kol lila nbet mridh
Ena chkoun?!
Ena mou3a9 nemchi se9 b’se9
Ndour men sou9 lsou9 fel aswe9 nlawej 3al arze9
7abit bnaya fibali hia 7abetni
Ya5i tal3et most3ara meni zadet 7atmetni
Ena chkoun?!
Ena ghabar taba3t tri9 el mafia
Fi Talien l3abt bel mlayen wel youm se9i 7afia
3adit 12 snè w hbat bidi 3la rasi
Raw7ou bia expulsé w hak tchouf el youm n9asi
Ena Chkoun?!
Ena moudir el youm Bayet fi siloun
Kont na9dhi bij3ala ma taba9tech el 9anoun
Mchit bel batel w fi le5er dh’hor el 7a9
Hedha kfouya 3ali 3maltou 5dhit eli nest7a9
[Refrain]

Ena chkoun? enti chkoun ? bin ennes adheya
A7na chkoun ? bin ennes adheya a7na chkoun ?
Howa chkoun ? hia chkoun ? bin ennes adheya
Houma chkoun ? bin ennes adheya houma chkoun ?
Ena chkoun? enti chkoun ? bin ennes adheya
A7na chkoun ? bin ennes adheya a7na chkoun ?
A7na twensa mel bled a7na bnet a7na wled
A7na wra9 maktoubin feha barcha 7kayet

Ena chkoun?!
Ena 7ara9 Hazit arwe7 fi babour
Chabeb hjar bledou mchè allé sans retour
Eli wsel li talian weli kleh 7out leb7ar
9adech bakit men om d3at bia bi char
Ena chkoun?!
Ena telmidh gharou bia s7ab esou2
Mchit m3ahom fi sahria fiha barcha stoul
Awel mara nemchi fiha bzahria ena had el 7akem
Hani lyoum wa9ef fi bouchoucha w ghodwa bech net7akem
Ena chkoun?!
Ena jeune 3adit 7yati el kol 9raya
Baba met 5aleli 3 5wet sghar wraya
Diplomi klatou el ghabra kleh esous m3a layem
Ma ta9dhich blech aktef baba ma esmouch foulen
Ena chkoun?!
Ena frank lè fi jib serwel
Fi wa9t mel aw9at kont men rijel la3mel
Kfart bna3met rabi w 3malt el 7ram el kol
5sert flousi w marti el youm ba3t el kol fel kol
Ena chkoun?!
Ena 3adit 3omri fel ijram
Sre9t w brakit ennes w 3malet la7ram
3adit 20 snè bin rechercher w 7bouset
Lyoum 3omri 40 lè 3andi dar la mra la wled
Ena chkoun?!
En madhroub el youm fi wejhi b’lam
Dharbouni fi 9aleb ghalta dharbouni fel 7ram
Jit n7ez fi 3arka klit cha7ta bi razoire
Ndhif ama fi 3inin ennes ena clauchard!
[Refrain]

Ena chkoun? enti chkoun ? bin ennes adheya
A7na chkoun ? bin ennes adheya a7na chkoun ?
Howa chkoun ? hia chkoun ? bin ennes adheya
Houma chkoun ? bin ennes adheya houma chkoun ?
Ena chkoun? enti chkoun ? bin ennes adheya
A7na chkoun ? bin ennes adheya a7na chkoun ?
A7na twensa mel bled a7na bnet a7na wled
A7na wra9 maktoubin feha barcha 7kayet

Ena chkoun?!
Ena bnaya nghani nèeb nwali star
N7eb n7asen emn a7weli w n7eb n3awen edar
Wsel leli n7eb 3lih men ghir t3ab men ghir stress
Ama be3t charfi lyeli bech tousel tasma3ni ennes
Ena chkoun?!
Ena mra rajli dima mrawa7 sokran
Flousou machia fel bnet fel fsed w fel biran
Tlabt nezla fi tle9 mhamelni w mhamel louled
5rajt ne5dem 3lihom w n5ales fel krawet
Ena chkoun?!
Ena gharmi tchat w ineternet
Ched biti sbe7 w lil dima na7ki m3a lebnet
Kol mara nod5el l’blog kol mara nod5el l’adresse
Lin nhar choft tsawer o5ti fdhi7a bin ennes
Ena chkoun?!
Ena rajel ne5dem zabel
Ne7med rabi 3ali 3tani hani ne5dem fel 7lel
3andi zouz wled w bnaya manich meli 7ermouhom
9arithom w kabarthom 3lech mest3arin men bohem
Ena chkoun?!
Ena battal yfarkes 3al 5dem
Ndour men charika lcharika lin 7fè le9dem
7atta 7ad ma 7ab ye9belni 3andi wsa5 fel B3
3adit èabs 3la 9adhia ba3d ma 5dhit el bac
Ena chkoun?
Ena tounsi men tounes el kol
Ena rajel ena mra ena tofla ena tfol
Ena chkoun?
Ena tounsi mel bled
Ena wra9 maktoubin fiha barcha 7kayet
[Refrain]

Ena chkoun? enti chkoun ? bin ennes adheya
A7na chkoun ? bin ennes adheya a7na chkoun ?
Howa chkoun ? hia chkoun ? bin ennes adheya
Houma chkoun ? bin ennes adheya houma chkoun ?
Ena chkoun? enti chkoun ? bin ennes adheya
A7na chkoun ? bin ennes adheya a7na chkoun ?
A7na twensa mel bled a7na bnet a7na wled
A7na wra9 maktoubin feha barcha 7kayet