[المقدمة]
اللمة تخلي العيلة تملي تقرب ملي
كدا ملي في ملي القلب يدق أكيد مع عيلتي
أنا بقى مستكفي بيهم متدفي، بيهم متدفي
هما اللي حيلتي

[المقطع الأول]
كمل العدد خلاص يا قلبي
ما ألذ ناس في الدنيا جنبي
دي عيلتي ييجي ألف حد
والبيت بينور بجد
دا لإن فيه حبايب
هنا حد ليك في قلبه مطرح
حد بيدعيلك دعوة تنجح
وحد يحلي وقتي
باللمة دي يا بختي
وحد ليه دايمًا كدا يقولي

[اللازمة]
يا عم إنت حبيبي وابن حبيبي وابن حبيبي
وبقول للدنيا بحالها يا حلو إن إنت قريبي
يا عم إنت حبيبي وابن حبيبي وابن حبيبي
وبقول للدنيا بحالها يا حلو إن إنت قريبي
علشان إنت حبيبي
آه وابن حبيبي
[المقطع الثاني]
نفسي العيلة تكبر وتكبر
ويا رب نزيد ونقرب أكتر
وييجي هنا اللي واحشنا
دا البعاد أصله حايشنا
ييجي ونفضل نهزر
هنا حد معاه بنسى مشاكلي
وحد بنفسه بيحلى أكلي
حد بياخد عيدية
وفي حضنه الدنيا دية
أجري عليه وفي حضنه أنا بقوله

[اللازمة]
يا عم إنت حبيبي وابن حبيبي وابن حبيبي
وبقول للدنيا بحالها يا حلو إن إنت قريبي
يا عم إنت حبيبي وابن حبيبي وابن حبيبي
وبقول للدنيا بحالها يا حلو إن إنت قريبي
علشان إنت حبيبي
آه وابن حبيبي