[المقطع الأول]
شايف غيوم بنشيلها من السما
والشمس طالعة قدامك إنت وأنا
شايف بلادنا في حياتنا أعظم بلد، أعظم بلد
شايف قصور جوة الحارات
شايف زهور على شبابيك العمارات
شايف فنون مالية الشوارع
شايف قانون منور ولبلدي راجع

[اللازمة]
الشعب يريد عيشة حلوة
حقه في كرامته وحقه في الحياة
الشعب يريد بلده حرة
من ظلم جوة قبل اللى برة
الشعب يريد عيشة حلوة
حقه في كرامته وحقه في الحياة
الشعب يريد بلده حرة
من ظلم جوة قبل اللى برة

[المقطع الثاني]
شايف خير مالي الأراضي
شايف النيل بيضحك وراضي
شايف النور في عيون الولاد
شايف حضارة وعظمة وأمجاد
شايف عالمية صناعة مصرية
حاسس في الهوا ريحة حرية
شايف أحلام على مرمى البصر
شايف شعب كافح وإنتصر
[اللازمة]
الشعب يريد عيشة حلوة
حقه في كرامته وحقه في الحياة
الشعب يريد بلده حرة
من ظلم جوة قبل اللى برة
الشعب يريد عيشة حلوة
حقه في كرامته وحقه في الحياة
الشعب يريد بلده حرة
من ظلم جوة قبل اللى برة