Sora mia, 'nzerra 'sta porta
Mena 'a chiave a 'o catenaccio
E a chi spia: "S'è retirato?"
Tu rispunne: "Nun 'o ssaccio"
Ma si vene 'na figliola
Pe' sapè si songo asciuto
Nn'arapì… ma, sottovoce
Dille: "Fratemo è partuto…

S'è 'mbarcato cu 'nu legno
Mercantile, bella nè…
Se n'è gghiuto fore regno
Pe' nun sentere cchiù a te"

Sora mia, sento 'nu passo
Ca s'accosta chianu chiano
'Nfacci'ê llastre d' 'o telaro
Veco stennerse 'na mano
'A vi' lloco… sento 'a voce…
Sora mia, si me vuò bbene
Dille: "Hê fatto troppo tarde…
Se sò sciuovete 'e ccatеne

S'è 'mbarcato cu 'nu legno
Mercantilе, bella nè…
Se n'è gghiuto fore regno
Pe' nun sentere cchiù a te"
Ma tu chiagne? E pecché chiagne?
Pecché a mme me tremm' 'a voce?
Sora mia, fatte curaggio
Ca pe' mme 'stu chianto è ddoce!
No, i' nun parto pecché saccio
Che vò dì ll'ammore 'e sora
Ma tu 'o ddice sulo a chella
Si venesse… ch'io stò ffora!

S'è 'mbarcato cu 'nu legno
Mercantile, bella nè…
Se n'è gghiuto fore regno
Pe' nun sentere cchiù a te