[Testo di "Tu ca nun chiagne"]

[Strofa 1]
Comm'è bella 'a muntagna stanotte
Bella accussì nun ll'aggio vista maje
'N'ànema pare, rassignata e stanca
Sott'â cuperta 'e chesta luna janca

[Ritornello]
Tu, ca nun chiagne e chiàgnere mme faje
Tu, stanotte, addó staje?
Voglio a te
Voglio a te
Chist'uocchie te vonno
'N'ata vota vedé

[Strofa 2]
Comm'è calma 'a muntagna stanotte
Cchiù calma 'e mo, nun ll'aggio vista maje
E tutto dorme, tutto dorme o more
E i' sulo veglio, pecché veglia 'ammore

[Ritornello]
Tu, ca nun chiagne e chiàgnere mme faje
Tu, stanotte, addó staje?
Voglio a te
Voglio a tе
Chist'uocchie te vonno
'N'ata vota vedé