[المقطع الاول]
انا اطلع الرطوبة من جسمك في شهر طوبة
بذرة مثمرة طول السنة منغير صوبة
روح ذاكر المعجم لو كلامي فيه صعوبة
هتلاقي فيه اثارة اقوي من نسوان كوبا
في خصوبة في المصطلحات والتلاعب بالالفاظ
دمل براس يعمل احباط تعمل تحليل بول وبراز
جوايا كم من الغضب يخليني غبي
صلي ع النبي كل الافكار الشريرة اذهبي
خليني دايما هابي انا في ملعبي لا استحي
كل العضلات نائمة عدا واحدة لا ترتخي
قالوا شاهين نام فقام وقف الوضع اختلف
قميص نفيسة نشف لا عمره ما نشف
اصل الافكار لسه بتشتي المخ ماكلوش القشف
رابرز كتير تخاف تراب قدامي تتكسف
يقولوا كلام تقيل انزل عليهم اتقل من النجف
ادغدغهم زي الخزف
قولنا ناخد ريسك يمكن ييجي برزق
اغنية لبيريل عادي يعني مش فسق
بيهاجمونا عشان بنحاول ننشر راب ع النت
كأننا غيرنا النشاط ورقصنا في قنوات التت

[اللازمة]
كل شيت انا ملفت
كل تراك بيج هيت انا محبط
لو بالك طويل انا بالعب باسكت
ركبي حديد و انت بلاستيك خورشيد
{المقطع الثاني}
انا كاتب فنان شغلتي اكتب كلام
اطلع الطاقة فيه وارصه ع الألحان
في الاول كان حب للموضوع والسلام
بعد كده الوضع اتغير..التزامات بدأت تبان
نعمل ايه؟ نشوف وظيفة ونسيب المزيكا
نفسيا مش مرتاح مرتبك مش مكفيكا
فتسيب كل حاجة وترجع تاني لأصلك
انا مش دكتور ولا مهندس انا باعمل راب اصلا
اتلطيت بالمزيكا ومش عارف افلفص
اكتب عند الوظيفة في البطاقة راب ارتيست
ازاي تعمل الي بتحبه وتاكل منه عيش
دي معادلة صعبة جدا عشان كده بشرب حشيش
عايزين تراكات مثيرة للجدل
كلام تخين علي العقول يصيب بالشلل
او تجري تاكل الكلام كده بغض النظر عن المحتوي
والموضوع ابسط من كده عشان كده في خلل
تراكات اشكال و الوان عشان توصل لكل فئة
برضه الناس تحكم عليك من تراك واحد مش سلسلة
تعمل راب ثقافي يقولوا عليك معقد
تعمل راب واضح بسيط فيقولوا عايزين الاعمق
ومفيش اعبط من كده الناس اصلا مش عارفة تفرق
حط شجرة جنب نخلة، قارن بينهم..مين الاجمل؟
فتحاول تنهض بالمزيكا تخليها كاريرك
برضه الناس عايزة تسمع بلوشي متدفعش فواتيرك
عايزينك عبد عندهم تقول الي هما عايزينه وعارفينه
والضغط عليك في الكواليس هما مش شايفينه
ازاي تفضل مستمر؟ ترضي جميع الاطراف؟
ازاي تفضل مستقر ع القمة ومن غير اسفاف؟
ازاي تتشاف؟ ازاي تفضل تحت الارض
وفي نفس الوقت سلعة تجارية بتتباع؟
الفنان والانتاج والاعلام بينهم نزاع
ماتفهمش ليه الأي كلام هو الي بيتذاع
عشان ودن المستمع هي الي بتحكم تقول ده ابداع
طالما في هشك بشك..طبلة ورقص وبتاع
فانا بعمل كل الانواع ولابد ان البعض منها
يكون من النوع الي بيتذاع
مش عاجبك؟ حقك الامتناع عن الاستماع
مانا عمري ما هبقي نجم لأني مش احمد التباع
واي كرو اولد سكول حتي النخاع