[اللازمة: شاهين]
ماشي أنا تمام
بس ما تصدقنيش لما أقولك بنام
دايما سرحان ودماغي مش فيا
ومخبي الكلام
ماشي أنا تمام
بس ما تصدقنيش لما أقولك بنام
دايما سرحان ودماغي مش فيا
ومخبي الكلام

[المقطع الأول: شاهين]
شوفي أنا بضحك زي الشمس وبعيط زي المطر
أنا البرق والرعد لما أحس بغضب
مفيش حاجة بالغلط كله كان لغرض
ولو على المرمطة فا دي أزياء البطل
لا لا هنا متلاقيش ضماده ولا حفاضة
كل ده مجهود ذاتي لا في ماما ولا بابا
Perfect match أنا وإنتي
بس نبعد عن الشطاطا
مايقدروش علينا لو بحصان طروادة
أنا بكره تزيد فلوسي وآخدك سوا تشوفي الفيلا
وأعدائك مافيا روسي هشويهملك على الجريل
كل الناس دي سادة أو زيادة كراميل
مرسومين كأنهم ممثلين في فيلم

[اللازمة: شاهين]
ماشي أنا تمام
بس ما تصدقنيش لما أقولك بنام
دايما سرحان ودماغي مش فيا
ومخبي الكلام
ماشي أنا تمام
بس ما تصدقنيش لما أقولك بنام
دايما سرحان ودماغي مش فيا
ومخبي الكلام
[المقطع الثاني: هايلا]
قرب الناس دي طلعت صيني حاولت تأذيني
أدوس عليهم ويفضل مرتاح ضميري
وأنا خلقي في مناخيري فا بلاش تزمر
تيجي على اللي مني تبدأ مني تتذمر
ناس تبيعك بالحتة ويقولك في بيتها
اسمي بقع مهما غسلت قماشتها
وناس تخلي نفسك طعم من حلاوتها
ناس مهما دارت عضم وشها بيكشفها
محدش حقيقي فيهم فا متصدقنيش
ناس متنكرة طول السنة في الهالوين
اسم مدافن العايشين الميتين
ناس تدخل وسطها مستحيل تطلع سليم

[الخاتمة: هايلا]
ورغم كده أنا تمام
بس متصدقنيش لما أقولك بنام
ما انتش لوحدك اللي دايما سرحان
ودماغك مش فيك ومخبي الكلام
ورغم كده أنا تمام
متصدقنيش لما أقولك بنام
ما انتش لوحدك اللي دايما سرحان
ودماغك مش فيك ومخبي الكلام