Verse One:
في يوم من الأيام اعتبرتك صاحبي
مع انك شيلتني كتير فوق طاقتي
بس عمري ما حطيت الكلام دة في دماغي
عشان كنت فاكرك بتعمل كدة لمصلحتي
بس ماشي ولا يهمك أنا مسامحك
بس عايز أقول لك انت عملت ايه في لحمك و دمك
رميته و هو عنده سبع سنين يلعب في الطين
و بدأت حياة جديدة في بلد تانية و مع ناس تانيين
يا عم الحياه مش أكل و شرب و هدوم
دا انت سبتني منفرد في سريري وقت النوم
و في عز ما كنت ببقي عايزك و محتاجلك
مكاتش بتكفيني مكالمة في التليفون
فمتزعاش مني اذا كنت في يوم شتمتك
عذري حقواهولك ببساطة أنا مش عارفك
لأني لولا صورتك كنت حنسي شكلك
بس ولا يهمك أنا مسامحك


Chorus X2:
مهما عملت فيا أنا مسامحك
قصرت في حقي كتير بس أنا مسامحك
عشان أنا شايل اسمك مسامحك
وعشان أنا منك مسامحك

Verse Two:
حعرفك علي شلة المنحرفين اللي مش عاجبينك
الناس دي عوضتني عن سنين حرمان كتيرة
بفلوط أبويا الروحي يقسي عليا لما أغلط
و لما أعيط يصالحني يقولي عايز مصلحتك
أما بقي تسعة ميلي فانا بعتبره جدي
ينصحني و أسمع منه حكم تفيدني في عيشتي
ما علينا من الباقي فكلهم اخواتي
ياما شالوني شيل و أنا بعاني
صدمني رد فعلك لما أهلك جابولي البوليس
لو انت فاكرني حنسي..لا دي حاجة متتنسيش
كفاية اتهامك ليا بالسرقة
بس انت عندك عذر انت كمان متعرفنيش
بس مين السبب في كدة..هه متسألنيش
علي العموم أنا عن نفسي مسامحك
و بطلب من ربي برضه انه يسامحك
عشان سبب واحد انت أبويا و انا ابنك


Chorus X2:
مهما عملت فيا أنا مسامحك
قصرت في حقي كتير بس أنا مسامحك
عشان أنا شايل اسمك مسامحك
وعشان أنا منك مسامحك

Verse Three:
من و أنا بعد عمري علي سبع صوابع
لقيت نفسي شخص خاضع لأمر واقع
شــوية دوافـع خـلـتـني لامـع
و نجم ساطع طالع من الشوارع
فللأسف ملكش فضل عليا في الأنا فيه
الشخص اللي بيتكل م دا مش انت اللي مربيه
طب أنا ححكيلك زمان لما كنت في ابتدائي
و بشوف صاحبي أبوه بيوديه النادي
و أنا مين يوديني تعالي ي امه شيليني
محدش له فضل عليا غيرك انت اللي استحملتيني
رسمتلي صورة حلوة عنك في خيالي و باظت
مانت فرمتني و كححتني تراب و أنا قاصر
نفسي يا أبويا في يوم أنام في حضنك
نفسي أحس بأمان و أسمع نبض قلبك
صدقني أنا مش عارف شعوري تجاهك ايه
أو حتي لما أشوفك ممكن أعمل ايه


Chorus X2:
مهما عملت فيا أنا مسامحك
قصرت في حقي كتير بس أنا مسامحك
عشان أنا شايل اسمك مسامحك
وعشان أنا منك مسامحك