[اللازمة]
قول رجعت ليه يا حبيبي
قصدي يا اللي كنت حبيبي
ضعت بعدي، كرهت بعدي
وجيت ندمان خلاص
ما أفتكرِش إني أفتكرلك
اللي بيه أرجع لذلك
هعتبر اللي قلته
كلام قلته وخلاص

[المقطع الأول]
كل ده وما عرفتش إني خلاص نسيت
جاي ليه وبأي حق تقول ياريت
كنت فين وأنا قلبي كان محتاج هواك
بقولك إيه إرجع ياريت لمكان ما جيت
بعد إيه بتقولي نادم ع اللي فات
بعد إيه بتقول مهمة الذكريات
تفتكر لو هفتكرلك من ماضيك
هفتكر إيه ولا إيه من حب مات

[اللازمة]
قول رجعت ليه يا حبيبي
قصدي يا اللي كنت حبيبي
ضعت بعدي، كرهت بعدي
وجيت ندمان خلاص
[المقطع الثاني]
يوم ما رحت وغبت عني قلت لا
الحياة من بعد منك مش حياة
أتاري كل اللي إفتكرته مستحيل
ماضي راح كل الجراح راحت معاه
إنت إيه فكرت إني هموت عليك
لو بموت أنا عمري تاني ما هبقى ليك
إنت جيت وفارقت زي ما جيت مشيت
مش هفكر فيك وروح لو روحي فيك

[اللازمة]
قول رجعت ليه يا حبيبي
قصدي يا اللي كنت حبيبي
ضعت بعدي، كرهت بعدي
وجيت ندمان خلاص
ما أفتكرِش إني أفتكرلك
اللي بيه أرجع لذلك
هعتبر اللي قلته
كلام قلته وخلاص