تحديت الألم لاجلك ولكن آه يا خسارة
وفيت وما عرفتي كيف مره بالهوى توفين
عرفتك من حسن حظي لعوب وبنت غدارة
لطف ربي بقلبي يوم شفتك بالخطا تمشين
أنا ما الومها روحي إذا هي فيك محتارة
تمدّي الورد من يدٍّ ويدٍّ تخفي السكين
مزاجك رايق لاهي وانا اللي تشتعل ناره
ولا من ضحكَت ايامي تجيني عابسة تبكين
ورغم اللي حصل منّك وقلبي ماخذا بثاره
لأنه غير عن قلبك لواحد ما يشيل اثنين
أبد لا تسألي عني وعن حبك وش اخباره
مادام انك زرعتي الشوك وش اللي ظنك بتجنين ؟
حسايف ضاع عمرك ضاع وزمانك جفّت أمطاره
ويعين الله من حَبّك تراه العاشق المسكين
كأنك مادريتي ان ذي الايام دواره
مصيرك مثل ما نلقى من اوجاع الهوى تلقين