[مقدمة]
بغيت غي نصوطي جاتلي النازا كٌاتلي لا
قلبي تصوطا قبلي فحال شي ماكينة
شحال ما جرينا خويا شحالما قاسينا
راه غير ب يدينا خويا حتى حد ما عاطينا

[المقطع الأول]
القلب ف كاج ديما مطرق الدماغ دار جناح و حلق
خبار تفرح خبار تقلق شي كيحلام شي كيحقق
ساط يعاون ساط يغرق صباع تفاكي صباع تصفق
الشيب ناض الموري معلق الحياة تلاقي الموت تفرق
لا بغيت ليك الراحة غانبان ليك أنا اللي جارح
فرحة اليوم كٌاعما مسحات دموع لبارح
جروحي كٌاعما بقاو كيبراو ب الله يسامح
راسي كاتشوفو مْعاك عقلو سارح
صاحبي داير فيها مالاك صحابلي نتا اللي غاتكون راجل
داك الوجه كٌول لي.منين.جاك مشيتي نهار لقيتيني واحل
درتي العيب عاد.عرفتاك عزيز عليك بوحدك تاكل
نهار طيح كٌاعما ندوزك أنا وياك ماشي نفس ليفل

[جسر]
مادويش باش تلومني دوي باش تكٌول لي شغاندير
فين ما كان شي صداع زهري كايجيبو تال عندي
شي مرات صحا كيديني حتال عندو
كنخليه بلاما كانعاندو
الصداع غير فراسي و ف البيندو
[اللازمة]
بغيت غي نصوطي جاتلي النازا كٌاتلي لا
قلبي تصوطا قبلي فحال شي ماكينة
شحال ما جرينا خويا شحالما قاسينا
راه غير ب يدينا خويا حتى حد ما عاطينا

[المقطع الثاني]
ستالاف مطرقة فالراس فحال شي لافيراي اللي جا يخشي
قلبي كٌاعما فيه لي شيز اللي بغا الراحة راه خليتو يمشي
كٌاعما تبلينا را غا كمينا كٌاعما كانعسو را غا سهينا
واخة بتنا فالزنقة كٌاعما سعينا واخة بتنا بالجوع عمرنا شكينا
عمرنا شكينا فقدنا بزاف و كٌاعما بكينا خسرنا القراب و كٌاعما سخينا
طفينا اللي بغا يطفينا و كٌاعما طفينا ليهم حيت مقودين
كٌاعما طفينا ليهم حيت مقودين حيت مقودين حيت مقودين
سطورا د النحاس القوادا ف الراس لكينا فالكاس مشكلة فالنعاس
طيحتني سنضالة فازكٌا و كٌاعما طيحاتني الهدرة د الناس
طفي لبارح شعل ليوم مستقبلي باغي يعوم
حلامي مرخية بغيت نفيقهم لقيت وطني مبنجهوم
[جسر]
مادويش باش تلومني دوي باش تكٌول لي شغاندير
فين ما كان شي صداع زهري كايجيبو تال عندي
شي مرات صحا كيديني حتال عندو
كنخليه بلاما كانعاندو
الصداع غير فراسي و ف البيندو

[اللازمة]
بغيت غي نصوطي جاتلي النازا كٌاتلي لا
قلبي تصوطا قبلي فحال شي ماكينة
شحال ما جرينا خويا شحالما قاسينا
راه غير ب يدينا خويا حتى حد ما عاطينا
بغيت غي نصوطي جاتلي النازا كٌاتلي لا
قلبي تصوطا قبلي فحال شي ماكينة
شحال ما جرينا خويا شحالما قاسينا
راه غير ب يدينا خويا حتى حد ما عاطينا