Kont mrawa7 melkhadma 3yan hadak nhar
Lkit feddar covocation arwa7 le central
Ro7t wkima wsalt 9bal madkhalt
Ltem fel couloir lta7t cheft 7aja 7art
L9it tfol bayn 3a9l fi 3inou dem3a
Ki3rafni goutlo wachno jaybek enta lahna
7kali wgali chouft lekhmiss lit3ada
3radni s7aybi fidarou bach ndirou 7atta
Jebna faha bnat liya9raw m3ana
W meme disk jokey bach yzahina
Bdina 3a tlata l'appartement kanat mdalma
Chta7na w meddokhan denia wlat maghmouma
Wkanou des chambres fdar farghin
Ltem chouft 3 drari m3ahom tafla ra7o lhih
Sghira 3a9la houma yatmaskhro faha
Ra7o t7amaw faha wak ta3raf wach darou baha
Wmba3d gali cheftha tebki kima kharjat
Ma7abatch ta7ki wach sar khatak ahi 7achmat
Khafat 3alhadra koun tawsal lwaldaha
Khafat 3al3ar koun yasm3o biha s7abatha
Whouma b9aw bda7k 3laha ltem normal
Bdaw ya7kiw lnass felbit ltem wach sar
Hia ghadetha tghammat wlat m9al9a
Fadik d9i9a ra7at tajri toul lta9a
Wgali mafhamtch bien kichouftha weyn ray7a
Gotlo impossible tafla tayach ro7ha
Galli daretha wa7naya koll tabhatna
W9a3 la3yat wlebka lkol tkharba9na
Hawadna lta7t wghadetna kil9inaha
Las9a flard wrrou7 mazalt faha
Dmou3 fi 3aynaha wdem kharej men fomha
Mokheha 3ad yban whia t3ayat 3la ommha
Choft kifah l'histoire bdat 3ziza
Da7ka wla3ba w la fin wlat janaza
7al 3inik wchouf dars ta3 had la7kaya
Wafham mli7 bili domaine adaya

**********
Dangereux wel milieu ta3o khamej
Tri9 ta3o twila s3iba wjamais tkharaj
Tfaraj m3aya wach ysir hna ba7daya
Wafham bien bili domaine adaya
**********

Wmba3d kamalt trig killi makan walou
B9it mgaddam 7atan dkhalt lwa7d lbureau
Lguit des jeunes 3a9lia intik
Bdina nrakbouha 3adak smin w3adak lkrik
Wmba3d houma kharjou galouli ssena d9i9a
B9it ga3d lhika 7atan jatni l9ol9a
3ladika hazit rassi choft wa7d lwar9a
M3alga wfaha gdah men photos mlas9a
Garabt laha 7abit na3raf hadi wachehi
Tchokite kil9itha la liste ta3 les recherchés
Faha tsawr ta3 w7ayd sa7 ykhawfo
Wfaha taa tsawr ta3 w7ayd mel khazra ta3rfo
Bayn khatih ghaltouh wgharro bih
Bsward bddin wla belhadra jarro 3lih
La3bou bih wdarou bih hadik trig
Yghid meskin wsure fi 3amro aho sghir
Soixant dix soixant douze soixante treize
Massir ta3o dorka ya jebana ya le7bass
Impossible yarba7 fi 7yato dorka tkella7
Galbouh msella7 galoulou lvote kan mdera7
Waldih ahom yabkiw ma3embalouch weldhom weyn
Wa7d ma3mbalou kanou myet wla 7ay
Kan labass bih kan ya9ra wlla yakhdam
Wbda7ka wbla3ba sabba7 f3amro dorka mwakhad
W3allakhar kitkhamam mli7 wtchouf had l7kaya
Tafham bien bili domain hadaya
**********
Dangereux wel milieu ta3o khamej
Tri9 ta3o twila s3iba wjamais tkharaj
Tfaraj m3aya wach ysir hna ba7daya
Wafham bien bili domaine adaya
**********

Wmba3d zadou jawni wgalouli rwa7 tabba3na
Ro7na wel bureau wa7dakhor zedna dkhalna
Lguina wa7d dharli hadak houa chef
Ra7ab bia wgali lotfi makan lah tkhaf
3ayatnalk 3la jal lghnayat
Bla mayekhfa 3lik sayi derna 3lik l'enquette
3mbalna bik kif 3aych kif zawali
3ambalna bik weyn teskon weyn tghani weyn tsalli
3ambalna bik y7abouk les jeunes bzaf
Kayn fi l'algerie lytab3ouk bel alaf
Wnta ma3ambalakch bili laghnayat hadom
9ader tebni bihom w9ader tana thaddam
Lazem tefham lazm houma tana tfahamhoum
Bili denia s3abt wla7yat hadia thammhoum
Lblad 3ambalna fiha machakel mankedbouch
Faha liyasla7 faha tana li maysal7ouch
Yjiwna lahna des cas incroyables
Des jeunes sghar ga3din yro7o hakak batl
Bnat wla drari bzaf gdah men mara
Kanou khatihom wmba3d ra7o hakak fi jarra
3ajal lkholta 3ajal ghalta jat 3la ghadra
3lajal lwaldin li 3aynihom wlat mghamda
7kilhom 3almachakel li yjibha la drogue
7yathom 9adra tro7 fi fraction de seconde
Goulhom 3a rajla ahi mecheha ghi tet3ark
Rajla hia dra3ak li tebni bih darek
Yal3abha wa3er yasra9 yadrab bel mess
Chefnahom b3inina kifah yweliw fle7bass
Wkhalli bark hadik 7kaya wraha 7kaya
Lmohim nta fahamhom bili domaine hadaya
**********
Dangereux wel milieu ta3o khamej
Tri9 ta3o twila s3iba wjamais tkharaj
Tfaraj m3aya wach ysir hna ba7daya
Wafham bien bili domaine adaya
**********