A B C D E F G H I J K L M N O P Q R S T U V W X Y Z #

Lotfi Double Kanon

"Jib El Tarf (Remix)"

[تقديم : عدولة]
ياه، دركا نحطلكم قروب: دوبل كانون
لطفي ووهاب
مكرا في الدعايات لي خرجوها عليهم

[المقطع الأول : وهاب]
عباد عايشين في الليل والدنيا مظلمة
والنهار مازاد طلع والحياة منا هاربة
والموت مقربة والناس قاعدة تشوف
ما لقات شي ما دير وبدات تهيج غير من الخوف
القبر يكون طافي والكفن ما يكون صافي
والواحد كيف يدير؟ وعلاديكا حنايا خايفين
وتخلطت وتخربطت الخلطة كي الغراب
وشكون حا يكون معاك كيما تكون تحت التراب
قاعد نشوف في البي,يا، هازها بين يديا
كعبة في الراب ياك نتهني من هذ الدنيا
ما دام والو ما كان، في هذ لبلاد شي ما كاين
والمادة جامي دوم وديما الموت كاينة القدام
عاديكا لي جون تشيخ باه تنسى
والفيزا ما كان ولومباساد ماحبت ترسى
باه تروح من هذ لبلاد لبعيد لي ورا لبحر
ولا تقدّم لرقّان خاطاك كون نبقى نتّنحر
ولا نقاجي، مادام القبر يسّنى فيا ساجي
نفكر كمية أكثر باه ندير مستقبل راشي
ولكاني كامي-كامي-كامي-كاميكاز نولي قومينا
منا عندي رصاصة منا خياطة بالمضى
(...)
الحرام ساهل، ها الحلال فيه التعب
لكان اطيح في الفيس في يد بليس تولّي لعب
ونهار لي تتبرم كيما الشيرة في الكفن
وتجي غير فوق النعش وتحت لرض تتدفن

[اللازمة : لطفي و وهاب]
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
واليوم نعبّي راسي بالبيان
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
واليوم نعبّي راسي بالبيان

[المقطع الثاني : لطفي]
اليوم تعبّى راسي بليبروبلام لي راني نشوفها
اليوم تعبّى راسي بالحياة لي عدت نعافها
الدنيا تغفّل كيما الطفلة لي تفتن
كيف الشعير الخامر لي يسكّر كي يعود معفّن
قدّاه نواحد يتكيّف بار بليزير
خاطاك يوم بعد يوم الهم تاعو قاعد يزيد
عمبالو بلّي ماشو حل بصّح وشيا
يقول في الدقيقة ذي خلّي ننسى ولو شوية
ومبعّد الدقيقة تولّي ساعة، الساعة تولّي نهار
النهار يولّي شهر، والشهر يولّي عام
ولتما يروح الحال، وتغيضو صح واش دار
والشي لي يغيضو أكثر سيك ماكاش مارشاريار
هذا برولام تاع عبد، إيماجيني كي يعود شعب
قارو ما يكفّيهش لازمتلو النار تتشعّل
سيرتو كي يشوف سواردو ذابوا كيما الجليد
سيرتو كي يشوف سواردو بناو بيهم لي شاطو تاع بن جديد
عيب، البلاد قاعدة تريب
ما داروا والو، راحوا بدلوا كلب بذيب
حيلي، بالهف السخانة يقلبها برودة
كل يوم يهدر هداير وهوما يصفقوا كي لقرودة
كي نشوف في التيلي، دي زيماج ماش ملاح
عباد هايجين ضربوا لابوليس بلا سلاح
كسروا حوايج الناس، جبدوا مام لماس
واشبيهم دواب كيماكا الراس جامي يتقاس
Blanc comme neige تلقاه جابد روحو، صافي
Piège فرحان يضحك عالشعب لي طاح في الـ
لعوام لي فاتوا جابلو الدين ونصبلو فخّة
ومعاها اللغة la race اليوم آي دالة التاريخ
عاديكا هذ لبلاد بالدم قاعدة تتغلف
باه تبقى ديما غافلة، لخرة وديما تتخلّف
الشي لي صرا كتبوه هوما حرف بحرف
ودركا آم يقسمو في المصالح طرف بطرف

[اللازمة : لطفي و وهاب]
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
واليوم نعبّي راسي بالبيان
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
يا وهاب جيب الطرف، يا لطفي جيب الطرف
واليوم نعبّي راسي بالبيان

A B C D E F G H I J K L M N O P Q R S T U V W X Y Z #


All lyrics are property and copyright of their owners. All lyrics provided for educational purposes and personal use only.
Copyright © 2017-2019 Lyrics.lol