Paroles de Double Kanon "Kamikaz / كلمات دوبل كانون "كاميكاز
[اللازمة 1]
كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

[ المقطع الأول - لطفي/ وهاب ]
[لطفي]
لولاد حارت دركا كيف حابها دير
وتخلطت فهاد لبلاد وراه الشر وراه الخير ؟
لي شوف إقول راح لعمر وليامات باطلة
و لولاد غير فاسكرة وديما مبزقة وديما زاطلة
مغنية شحال من واحد غناتو وراح بالنية
وقال ما تحلى الدنيا غير بالعط بين يديا
والفكر داير بيا والناس تحكي عليا
ونشيخ بالعربية وديما نهز تحتي البيا
[وهاب]
! رقان لمبيس ، شحال لحباس راهي معمرة
راو دارها صح إبليس خلى لولاد ديما مدمرة
و روح مالا صرت وزيد مالا اتعرف
باه إقولو فحت دركا سي بون سايي فرت
و فيق على بكرة عطيها بسكرة وفكرة مكرة
و ماكانلاه تقرا وعلاه أصحايبي تقرى؟
عمبلك تطربق
والدينار زاد أهبط
ولي قدك دارو العط ونتا راقد طول علخط
مالا باه الصح نصبة على الصباح
تكحال غير الفكر و أكمل كيما كا تعيش فالـالقاصبة
وروح لولاد النصبة
جيب ورقة ماصة
فَها طرف تاع خمسة واليوم نعبي تاسا

[اللازمة 1]
كاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان


[المقطع الثاني - وهاب]
هيه وهاب يحكم الهدرة باه يداها
بالكمية يلوح كلمات باه الناس تحل ودنيها
وتوله مالا مليح قبل ما تروح نتايا تشيخ
وقبل ماتروح نتايا الدوخ وقبل ماتروح نتايا تفوخ
راني لاباس bien وتقول قدام الناس راني
محلى العيشة فالحباس معها القرعة وزيد الكاس
مالا تبع معايا كي التران فوق الراية
لاتكمل نتا كيف هاك متعود شوف وجهك فالمرايا
زينك فالخذ ، فاللرض لي ما تتمد
لا حاب متتوخد ملا روح مشي قدقد
برتيفة كي السلطان فورني ديما نتا فالريم
ودز كمية لرطان وزيد الديازي و نيفوتريل
ولا مزال هداك لمنام كملها نتا بطرف بنين
فالنهار ديما نتا فدار والخدمة تاعك نتا فليل
تكاسي وتباصي أصحايبي راني نوصي
لكان تكمل هاك فلحباس راح تقاسي
[اللازمة 1]
كاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

[المقطع الثالث - وهاب / لطفي]

شحال من واحد من الخدمة دركا تسحتوا
وصواردو غير فالشيرة و من السكرة راحت صحتو

ولحمو باللوشام و وجو بالماس تبدع
! ونحير فهاد لبلاد كيفاه البيرة البره تتباع

وكمل كيما الداب درك تتقدلك
وكيما لي كانو معاك وكيما داروا لولاد لي قدك

واليوم يشري طرف واليوم إعود إدرح
بالكمية إعود إصرف من مغنية إعود إسلع

الديازي زيد لابروك غير إدز
والحكومة فيه تعس و باتت فيه كي يتهز
و لابوليس تجيك حتان الدار
بلكلاش إدورو بيك و تترفع فلي نيسان
ونهار لي جيو بين يديك لي مينوث
راح تموت فلمبيس perpète وفرات باتت فيك و
طحتي فلفيس تاع ابليس
وش داك دور بالريسك و الحرام واش اداك تقيس

[اللازمة 1]

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان


[المقطع الرابع - لطفي]
و يروحوا يقولوا لي جون تاع دركا فسدوا
وشكون لي جيب فالشيرة باه لي جون يروح يبزقوا ؟
وشكون يترشوا فالحدود صباح وعشية ؟
وشكون لي يدي الباي باه السلعة تجي من مغنية ؟
مليون و نص شهيد ماتوا حرار
باه نبنيو لبلاد مش باه نبنيو لي بار
وقريت فالقرآن عرش إبليس فوق الما
"ونقولك أنا وين فوق لي روشي تاع "شمس الحمرة
عديكا نحير عديك أنايا نكذب
فالناس لنسات الموت فالناس لراح تتعذب
ونهار لي تتبرم كيما الشيرا فلكفن
وتشيخ غير فوق النعش و وتحت الأرض تتدفن
حتبقى أصحيبي وحدك فالظلمة
محصور بين السيما وزيد التراب تع الأرض
راح تشوف وتحير ما تلقى شي مدير
وفرات باتت فيك جاك منكر ونكير

[اللازمة 1]
كاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان

[اللازمة 2]
كاميكاز لولاد لي قاعدة تبيع في الريح
لولاد لي دير فالعط باه لعباد تروح تشيخ

كاميكاز لولاد لي قاعدة تبيع في الريح
لولاد لي دير فالعط باه لعباد تروح تشيخ

[اللازمة 1]

كاميكاز ، لولاد لي قاعدة دوخ بالعقار
لولاد لي تعبي الراس بلابروك و لرطان