السلام عليكم ليكيب
أون ديريكت من لوتوروت صحيبي
فريستايل أ 150 كم/سا أبابـــا

[اللازمة]
Give me the mic
نرابي رابي
درك نطفي ناري ناري
خلي نديماري ماري
نفاجي بيه دماري ماري
Give me the mic XXX

[المقطع الأول]
أعطيني المايك ، مكرا بركا دركا الدعوة راي مقلوبة
و الناس في قلوبها كي الذيوبة ولاّت مكلوبة
الدنيا أكذوبة ، مكتوبة كلها دي كوبا
معقودة جامي مقدودة كي بوذا ولاّت معبودة
الدنيا مهبولة مهما لي بروبليم لي صرات
نوصيك جامي تركع أبار كي تكون في الصلاة
مالا امشي عالصراط باه توصل في سع للفردوس
لازم تاكسيليري بلا فيتيس تاع "فاست آند فيريوس"
جامي دير بوز ، فازي فونس فونس
جيبها كي البايرن من لاتاك الا ديفونس فونس
الطفل لازم يكون فور كيما الكاتشر
و الطفلة مشها جامدة كيما مارغريت تاتشير
جيب الكارشر كونتر لاميزير لي دُّور
أنايا جامي نفشل خطاك ربي مون إيدول
نجيبها طول بـَ لِي با تاع حسين بولت
و نافرونتي هاذ لافي كيف لا فينال تاع سوبر بول

[اللازمة]

[المقطع الثاني]
أعطيني المايك باش نقول الصّح مَش باش نمد الفو
نجبد لي ديفو ، بالنيفو الفوق لازمنا نوالفو
الفو كو كونترولي الكومبا
كونتر الحقرة ، سايي تسنيا الكونترا
روح أهدر واش كاين عَلِّي مخبي عَلِّي باين
عَلِّي خايف عَلِّي خاين عَلِّي يخمم عَلِّي خامر
أيّا خيّر طيّش لحوايج لي ما يهموش
بلا معنى ما يفيدوش ، أون بلوس سي سير ما ينفعوش
ما تكونش كيف هذاك لي حاط الدعوة لعب
أحكي عالحزن لي فالقلب تاع الشعب
فيها تعب فيها عهد فيها وعد
فيها تنعت ، فيها الرعب يجيك امبعّد
تقعّد و قلهم يا جماعة دوبل كانون
15 سنة و مازال هنا نمبر أونو
و قولوا للناس الكل الفوق و التحت
لي سرقوا هاذ لبلاد نقسموهم واحد واحد

[اللازمة]