[اللازمة]
يا جماعة يزينا برك بلا نفاق
يا جماعة يزينا برك الشعب آو فاق
يا جماعة كثروا السراق و الفساق
الهم باقي يزيد و الناس ما زالها في التسفاق

[المقطع الأول]
شوف خلاه ما عدتش نعرف بلادي
اليوم البنات رام يتكيفوا أكثر من الدراري
تهدر معاهم يقلك أش لازم تفبل
هذا هو المستقبل c'est normal لازم تقبل
لي جون اي تقتل في روحها بالبروكا
لي والا قاعد يحلم درك باه يرقد فوق البرونكار
واحد يفكر فالفلوكة باه يكيثي الرملة
و لاخر يفلق روحو يحسب روحو في رام الله
الله الله
الازمة ولات روحية
الارواح آي حية بصح لقلوب لي راي مرحية
مادام الشراب ديروا شركات محلية
الناس تخرج من الإسلام باش تدخل للمسيحية
هذي هيا واش من فايدة تبيع البترول
و الناس آي ما لحقتش حتى عالقشور تاع دقلة نور
واش من فايدة تدير أكبر مسجد في الكون
و نتايا راك معروف أكبر منتج تاع كحول

[اللازمة]

[المقطع الثاني]
الدنيا مقلبة على الدستور la télé ف
كلمات ما بين السطور même قالك درسوه و زادوا
ربي يستر ، الغاشي يسوفري يعيط
Au secours !
و نصو مزطول و الباقي يقطع فلي باسبور
الحصول داروا فيلم فيها صورة حية
لازم احتفال و المخرجين يديو تحية
الشعب أعطاوه جائزة أحسن ضحية
و صحاب البرلمان أحسن عرض تاع مسرحية
مالا هيا احفظ دعاء الانتخابات
"اللهم إني أعود من الخبث و الخبائث"
خطاك الخوائن آم عملوا نفس الطريقة
باه يقسموا الشعب داروا سياسة بالتفريقة
لهيكا بالحزب الواحد كانت تحلى
و مبعد آم جابولنا "عليها نموت و عليها نحيى"
و اليوم باه تحلى آم حاصرونا من كل ناحية
بين اللحية و الضحكة الصفراء تاع أويحـ...

[اللازمة]

[المقطع الثالث]
ربي يحفظنا اليوم آي ولات فوضى
البيرة و الديفان ولات تتباع أكثر من الفانتا
عرفتها ، عديكا صح رحت نفوطي
و في البرية درت تصويرة تاع حراق يفلوطي
راك مفوتي ، جامي تدير البويكوت
سياستنا طايوان تقول مخدومة فالبانكوك
قلبوك بالكوك تعود تسكر و تبيكنيكي
تشوف الشعب كريدي و الإرهاب عطاولوا التيكي
و باه يطلعوا الروح الوطنية
بناو أصنام للشهداء حبوا يرجعونا للوثنية
هذي هي الجاهلية جابتها الشيوعية
لي حبوا يدخلوا الحبس صحاب الهجرة اللاشرعية
ولات عادية لي جون سحتوهم بالبالية
و اليوم آم ماداببهم يحاكموهم كي البونديا
قلهم هوما البونديا ، لاعبينها مسؤولية
و عمبالنا وقت الثورة نصها كانت مع القومية
[اللازمة]