[المقطع الأول]
ياه درت لراب مش عجال البوز
من بكري وأنا نشفى واش قال الشيخ ابن الباز
الإيمان كي اللباس قادر يرشا ولا يقدام
والفتنة لي بين الناس أشد من القتل والقتال
كنت نسمع ، أقوال من شكسبير لابن رشد
و سمعت دي كاسيت من بيتر توش للسيد الكشك
تالمون عشت، شفت و كشفت قبل سن الرشد
بلي الشعب في بلادنا مشو سواسية كي أسنان المشط
هجت ، علاديك رحت جبدت الـراب
"وحولت هاذ الهدرات لصواريخ من نوع "قراد
قلتلهم عدة مرات آجماعة آني مشني مطرب
آني عبد مأدب معذب كتب كلمات جابهم من يثرب
كان عندي ديما نفس المطلب ، نصحت ونهيت
لي يتكبر فكرتو أصلك من ماء مهين
مي لبهيم يبقى بهيم ولو تجيبلو البراهين
ولو تجيبلو معجزات موسى عيسى وإبراهيم

[اللازمة]
شكون يفهمني؟
"It’s me against the world"
شكون يتهمني؟
"It’s me against the world"
كون مهني انايا شي ما يهمني
خطاك ، في هاذ الدنيا غير ربي يفاجي على همي
...قولولي

[المقطع الثاني]
آني مصر بلي الإسلام هو صراط مساري
سينورمال ما يرضى عليا لا الصهيوني لا النصراني
كل ما مشكلة تصرالي ، نستغفر بسورة يس
خاطيني الفودكا و الويسكي تاع بوريس يلتسين
راني "آم-سي" و ديما بالقيم مقيد
ماني تقي نقي وماني فقيه كي ابن القيم
في العلم قليل مي قلبي راو عـيقين
بلي الكل راح لاقيو طريق كاتشو ولا الشاب عقيل
وقيل ، قريت آلاف من الأسطر
بزاف نصوص درستهم من واتسون لابن رستم
اسمع : مهما وين تسكن من سوسة حتى لبوسطون
لي يسهر يسكر ويزطل يتصدع كيف ويتني هيوستون
أصبر ، يا إنسان على الإحسان أبقى ثابت
تبع شاعر الرسول الشيخ حسان ابن ثابت
كل ما تشوف لعباد تكالبت ويسبوك المغرورين
اتفكر علي ، عمر ، عثمان كي ماتو مغدورين
[اللازمة]
شكون يفهمني؟
"It’s me against the world"
شكون يتهمني؟
"It’s me against the world"
كون مهني انايا شي ما يهمني
خطاك ، في هاذ الدنيا غير ربي يفاجي على همي
...قولولي

[المقطع الثالث]
كلامك، قادر يكون مزمار شيطان لدود
ولا يكون مزمار من مزامير آل داوود
يعني كل ما هو صلب مش ضروري أنو حديد
وكل ما هو صوت مش ضروري لهو حديث
هاذايا واش حبيت ضد الحقرة إنتفاضة
رحت فلقتها في بعضاها جبت جمل فايدة فألفاظها
وليتلهم تشي قيفارا فارا
الظلم لي نارفانا فانا
جبتها كي الشنفرة بلاراج تاع لي نيرفانا فانا
فوالا فوالا وعلاه نحب نحكي عالإسلام
"ومبعد نتفلسف فوق لاسين بلي فريستايل تاع "50 سنت
افهمني ، يا إنسان ماني إمام ماني مغني
آني ميلونج بين توباك و جمال الدين الأفغاني
يعني ، يا الغبي أنا كيف آدم مالتربة
أنا هو الآية 102 من سورة التوبة
انسان حياتو خلطها ، عمل سيء وعمل صالح
عسى ربي يغفرلي خطاك غير هو لي يسامح
[اللازمة]
شكون يفهمني؟
"It’s me against the world"
شكون يتهمني؟
"It’s me against the world"
كون مهني انايا شي ما يهمني
خطاك ، في هاذ الدنيا غير ربي يفاجي على همي
...قولولي