[المقدمة]
De temps à m'expliquer aujourd'hui
Qui a donné l'ordre de réprimer des Algériens?
شکون هما لي راح يقتلو الناس
بالموالفة يضربو الجزائريين
Vous voulez diviser les Algériens?
و وين راكم رايحين
و البلاد هادي ما تغدكمش
و الشعب هدا ما تغدكمش

[اللازمة: لطفي دوبل كانو]
الشعب كره من الكلاب هاذوك من الفجار هاذوك
الشعب كره من الوعود هاذوك من الهدرات هاذوك
الشعب كره من الغدرات هاذوك من الخدعات هاذوك
الشعب كره الشعب كره الشعب كره الشعب كره الشعب كره

[المقطع الأول: لطفي دوبل كانو]
الشعب كره من المعيشة هاذي اللي خمجت و غلات
الشعب كره من الغوال اللي غوات البلاد و ما خلات
الشعب كره من الناس اللي راهم خربو ذوركا الميزانية
وغرسو الميزرية فوق أراضي دزيرية
الشعب كره من هذا الغبد من هذا الغل
الشعب كره من التغلاط والتخباط والتخطيط اللي عاد تخلاط
الشعب كره من الجماعة اللي تعمر غير في جيبها
وكا العادة كي يحصلو يجيبولنا قوانين جديدا
الشعب كره من الأقوال من القوالب و الهدرات
الشعب كره من الظلم و الضرب للظهر في المظاهرات
الشعب كره يزينا ديما يقابلوه في كل مسيرة
بقنابل مسيلة ولا سناسل غير باه يتسيرا
الشعب كره خكاك في بلادو و ولادو مام بناتو
راهم عادو يباتو في الذل حتان ماتو
و الفوضى هاي فناتو و السكات جَمَيْ فادو
و نهار اللي فهمها فرات فاق بلي الوقت راهو فاتو

[اللازمة: لطفي دوبل كانو]

الشعب كره من الكلاب هاذوك من الفجار هاذوك
الشعب كره من الوعود هاذوك من الهدرات هاذوك
الشعب كره من الغدرات هاذوك من الخدعات هاذوك
الشعب كره الشعب كره الشعب كره الشعب كره الشعب كره

[المقطع الثاني: لطفي دوبل كانو]
الشعب كره خطاك في كل بلاصة الطريق راهي مفلقة
الشعب كره وكل ماتصب المطر لازم تصرا فيضا
الشعب كره العباد راهي ميتة في الشتا كل يوم جنازة
وصحاب السياسة راهم لاتيين غير بالكراسة
الشعب كره علاذيكا اليوم مسكين راهو حايب يدي حقو
ماسحقش صدقة أعطيولو برك على قد عرقو و علاه
تعاركو و علاه تضرو و علاه ترطردو
و علاه كي يريكلامي لازملك طول تروح تضربو
الشعب كره خطاك هاو عقب صح حروب و ثورات
الشعب كره هاذي حالة طوارئ وينهي الثروات
الشعب كره يا ترى ولاد الزعماء و علاه راهي تزها
و الزوالي يسمع الله غالب حنا في أزمة
الشعب كره يونامار ما زالو برك يصبرو فيه
الصوارد خلاصو بصح الليسونس يصدرو فيه
يصبو فيه بالسنتي لتر و السنتيم
و صحابه محسوبين من سنوات الستين
[اللازمة: لطفي دوبل كانو]

الشعب كره من الكلاب هاذوك من الفجار هاذوك
الشعب كره من الوعود هاذوك من الهدرات هاذوك
الشعب كره من الغدرات هاذوك من الخدعات هاذوك
الشعب كره الشعب كره الشعب كره الشعب كره الشعب كره

[المقطع الثالث: لطفي دوبل كانو]
الشعب كره علاذيك لاجون اليوم كلها راهي هاجر
الشعب كره علاذيك لاجون اليوم كلها حابة تتهاجر
الشعب كره لي والا فاشل الأمر ولى عاجل
مدام الفاجر بحق الشعب ولى يتاجر
الشعب كره ما بقاش يعرف ذركا صح واش راه يدير
الشعب كره يروح البحر يخلي الموت و الما يديه
الشعب كره يدير كْرَيم يتفلق في لوتوموبيل
ولا يعود بالكاشيات بيرا زطلة طول الليل
الشعب كره من العباد اللي دير المال لهنا فوق ظهرو
و اللي راهم طارو دارو دراهم جَمَيْ ظهرو
اللي قراو راهم تقهرو طاحو في قهوة و قارو
و اللي هدرو و لا قالو داروهم طول ورا اللي بارو
الشعب كره خطاك في الحق اليوم الفقر راهو عطاهم
الشعب كره اللي والا حايب خدمة حاب يوكل دارهم
الشعب كره الهم غطاهم و جامي لوكان خطاهم
و الناس علا الدراهم رجعو عديان في بعضاهم

[اللازمة]
الشعب كره من الكلاب هاذوك من الفجار هاذوك
الشعب كره من الوعود هاذوك من الهدرات هاذوك
الشعب كره من الغدرات هاذوك من الخدعات هاذوك
الشعب كره الشعب كره الشعب كره الشعب كره الشعب كره

[]
لازم يقولو وش يشار ما عندناش حق في الأشياء على شعبنا
لازم يعرف ما زلت النوش حتّان نشوفو الأخبار
انتعنا حنّة من الخارج هنايا في البلاد انت