[المقطع الأوّل]
سي فري نشفى بكري خلاه كي كنت صغير
كي كان وقت النيّة كان وقت الخير
ألف و تسعة مئة و ربعة و سبعين خرجت من كرش يمّا
جاوني الطّبّة حصروني و قصّولي السّرّة
نشفى القابلة شحال بلطتني
جبدتلي لي كوش رقدتني قمطتني و رقدتني
و غمضتلي عينيّا زعما باه نتكالما
و علاه عليك ديجا 9 شهر و أنا فالظلمة؟
ستة سنين من بعّد حطّوني فالكلاسة
عطاوني كارطابلة ممحاة و أردوازة
قالولي لهنا فالصّف اللّول لازم تقعد
باش تهدر معا سيداتي لازم ترفع صبعك
و بديت فالإبتدائي قريت سنة أولى
المعلمة هيجناها نعيطولها يا المهبولة
بورتون كانت عاقلة جامي غضبانة
هي لي علمتنا نغنيو مع بعضانا

[اللازمة]
أغسل أسناني بالمشـطِ
أمسح وجهي بالمنشفــةِ
أمّي تعطيني محفظتــِي
أذهب وحدي إلى المدرســةِ

[المقطع الثاني]
حنا في وقتنا ما كانش بارابول
ما كانش بلايستايشن ما كانش بوكيمون
نخرجوا مالقراية نجريو فالطريق
نشعلوا لاتيلي وْرَا القرآن نشوفو لي كوميك
نلعبو سايي نتخبّاو ندّرقوا
فالعيد لكبير نشوفو لكباش كيفاه يتعاركو
نجبوا الراجادان لي عندو دورة و نصّ
مالجري اللحم تاعو عاصي بسّيف يتقصّ
كنا نلعبو الفوت من كرتي لكرتي ندورو
تحط مئة فرنك لي يربح يدّي ربعين دورو
و ساعة ساعة نتعاركو بصّح نقلّك الحق
في قلوبنا ما كانش البغض و ما كانش الحقد
و مبعّد ورا السيزيام ، دخلنا للـ سي.آم
من تمّا سي سور ولّى يجوز علينا الصيام
زعمة قمصيّة des grands ولينا
و وحدة وحدة بدينا ننساو لغناية ديّا

[اللازمة]
[المقطع الثالث]
و مبعّد طلعنا للّيسي نتمّا جات الخلطة
بدات الدّعوة تفسد و العقلية تولّي خردة
قليل فينا لي وصلوا حتان الباك
مام لي وصلوا قليل فيهم راحوا لـ لافاك
أنا كان عندي زهر فالجامعة عدّيت
كاين لي كملوا معايا و كاين لي قاراو في نّ الطريق
المهمّ عقّبنا مع بعضانا وقت علكيف
و درك لي والا حكم دومان في لافي أكتيف
هاذيا الدّنيا كيما هك قاعدة تدور
!! تتعجّب أيّا بكري قلّي شكون كان يقول
كنّا صغار و ربّاونا والدينا
و دركا جات دالتنا نربّيو ولادنا لي بين يدّينا
لي سونسيال حابّ نقول فهاذ لغنايا
كل واحد منّا حياتو راهي حكاية
الوقت لي تغيشو أشبع منّو خطاك
عا قدّ ما أنت تكبر لي بروبلام يكبرو معاك
و لاكان ذاقت بيك و شفتي الدنيا صعابت
تفكّر روحك كي كنتي تغنّي مع صحابك

[اللازمة]