[المقطع الأول]
نَحْكِيوْ عَالفِيرُوسْ نْدِيرُو شْوِيَّة إيسْتُورِيكْ
وَايَن اتَّخْدَم كِيفَاه اتَّخْدَم كِيفَاه حَتَّى وْصَلْ لِيكْ
بَاهْ تَقْرَا عْلِيهْ مَاكَانَشْ لابُورَاطْوَارْ
Analyse spectrale و étude مَاكَانَشْ
الحْكَايَة بْدَاتْ بَكْرِي خْلاهْ قْبَلْ العُصُورْ
المَلائِكَة كَانُوا في السّْمَا وْ لَرْضْ فِيهَا ِغيرْ الجْنُونْ
في واحد الوقت هاذوك الجنون راحوا غفلوا
خرجوا عالملّة و مبعّد زادوا كفروا
بصّح كان فيهم واحد بقى صابر وحدو
كان يحبّ ربي و كان ديما يعبدو
ولّى مقرّب و مع الملاك ديما يدور
كان اسمو إبليس الوقت هاذاك مشّو ملعون
واحد نهار ربّي خدم من تراب
حاجة الملائكة ما فهموهاش خلاه
معمولة بالطّين شاحت يبست
بليس كرهها بلا ما عبلالو وعلاه تعملت
و مبعّد ربّي من روحو نفخ فيها
و لتم خرج منها عبد اسمو آدم
ربّي أمرهم باه الكل يسجدولو
بليس ما حبّش الشّي هذا ما دخلش لبالو
قالهم هو مخدوم من تراب
و أنايا خير منّو خارج من مارج من نار
أديكا كانت أول مرّة ظهر فيها الفيروس
و تحير لي مرض بيه لوّل هو إبليس

[اللازمة]
مالا رواح نحكيلك عالفيروس تاع إبليس
يعرف واين يجي يعرف كيفاه يقيس
لكان حكم فيك تعود تعشق في الدّنيا
طايح في الكوما و تموت بالكمية بالكمية

[المقطع الثّاني]
الحكاية قصّرتها باه تعرف كيفاه جا
تعرف واقتاه جا ، دركا تعرف وعلاه جا
بليس مَلَّوَلْ كاين يكره بني آدم
قال درك تشوف واش ندير فالعباد هادم
يعودو يتبعوني يحبّني بلا ما نبان
واش نقول يديروه يطبقوه كي الحيوان
انّسيهم مام في الإله لي خلقهم
نقلبهم يقتلو رواحهم في بعضاهم نفرّقهم
تعود حياتهم كاملة يجريو ورى المال
الرجال نغرهم بالنسا و النّسا نغرهم بالرجال
لي تعود عندو مشكلة ما يروحش لربّي خلاه
يروح للشيطان ينسّيه بقرعة شراب
يقولهم : شفتو شحال ملاحة طعمتو
مكرة في ربّي أشربوه و زيدوا عاودو
هزّو القارو و شيخو الكل بلواحد
و قولو حنايا رجال ما نستعرفو بحتّى واحد

[اللازمة]
[المقطع الثالث]
و يعدّي الوقت و نوصلو الزمان هذا
ما نروحوش لبعيد نشوفو هنا بحدانا حنا
الفيروس توسع و زاد اديفلوبا
بكري كان مدرّق و اليوم ما بقاش يتخبّى
بكري كان الخمر لي يشربو عيب
مولاه تلقاه يتخبّى و يروح بيه لبعيد
اليوم كلّي شي ما صار نورمال
دي جون صغار كبار يشّربوه جهار نهار
و الشيطان فرحان ، كي يشوف ليهم
يقول لربي شوف عبادك واش نديربيهم
آو قتلك نقضي عليهم الكل كيما راهم
نبقى عقابه حتّى يكرهو مولاهم
يعودو يحبّوا المال السّوارد الدراهم
يكفرو ينساو الكل رواحهم واين راهم
تعود في الطريق كي تمشي و تعدّي
تسمع طفل صغير كي يتعارك يسبّ ربي
خطاك وصيت والديه و قلوبهم قلبتها عامية
سيرتو على بنتهم ماعليش تخرج معرية
خلّي تعيش وقتها و تتمتّع بواش عندها
ما كان لاه تقلقها و تفكرها فلّي خلقها
لكان عالصلاة و الحجاب مايهمّش
اللّبسة ديا الكل مهبول راح تطّيش
خلّيها تبيّش و تغرق في الغرام
يزّيها بالحكايات تاع الحلال و الحرام
كي تسمع كيما كا تقول بليس نجح
البروجي لي دارو من بكري سايي آو صلح
بصّح تولّه كاينة ناس اخرين
صحّ يسوفريو بصّح مع ربّي آم صابرين
مزّالو عباد كي يقراو القرآن يبكيو
مزّالو عباد ديما يركعو و يدعيو
مزّالو بنات قلوبهم مشها حابسة
ما باعوش ربّي على جال الزهو على جال اللّبسة
مالف تشوفهم آني عمبالي آك تعرفهم
نخاف عليك و ما تكونش واحد منهم
أزرب فيق لا يدّيك معاه بليس
منّع روحك قبل ما يجيك الفيروس
[اللازمة]

[الخرجة]
ياه بالكمية بالكمية
واحد ما يجيك واحد ما يخمّم فيك
كاين غير دوا واحد يداويك من هاذ المرض
غمّض عينيك و تخيّل روحك تحت الأرض
مدفون ، طلّع لتم واش راح يكون
واش راح يصير واش راح تهدر واش راح تقول
أزرب خمّم خطاك الوقت آو يفوت
بالاك اليوم في اللّيل مكتوب عليك تموت
بالاك اليوم في اللّيل مكتوب عليك تموت
...فيروس