اللازمة
يا ويلي ويلي عـ هاذ الجيل ـ ها ويلي ويلي
يا ويلي ويلي واش يدير ـ ها ويلي ويلي
يا ويلي ويلي واش يقول ـ ها ويلي ويلي
يا ويلي ويلي عاد مهبول ـ ها ويلي ويلي

المقطع الأول
سي لا نوفيل جينيراسيون لي جامي يخدم جامي يْبوجي
كاتيغوري تَكسال حياتو كاملة رايحة كونجي
عالصباح حتى الـ 11 مازال راقد في الفراش
ريحتو ما تتشمّش ، تقول بيبي و دارها في لاكريش
ما يغسل وجهو ، ما يعرف دونتيفريس
علاديك سنّيه نوار : ربعة صفر و وحدة غريز
تحكمو لاكريز و الدار قريب تريب
في السرير كي يحل عينيه و يعيّط : "يما حطّيلي حليب"
مشو لاباس ، او ديما غالبو النعاس
لازمتلو باش يفيق قارو ، شمة و قهوة براس
يقعد في الكرتي بوزيسيون قومينا
و تاي بالنعناع مخدوم بالماء و الكوليرا
يمشي زعما قوم ، يهدر بالروطار
يوزن 100 غرام ، عقلية كونان بربار
يحب لي باقار ، كون يلقى ما يراطيش
و يحب التبياش كي يشوف الباـباـبابيش

اللازمة

المقطع الثاني
عالطناش آم خرجوا تاع السيام و تاع الليسي
يلبس سروال عرّاسي و الصّباط كحل مغريسي
يعدل شعرو (خخ) يعطيه بلحسة
و يسيّب الخزرة تاعو تاع عتروس حوّس عـ معزة
غمزة ورا غمزة ، عينو تبلوكات
رقبتو تعوجت من هاذي راحت و هاذي جات
باهي يزيدلو الشارم ، يضرب وحدة شمة
شواربو تنفخو ولاّولو أكثر من الشوارمة
زعمة كاراتي و هو جامي خرج من الكرتي
عايش كريدي ، نسيم أفراز و لا كالدي
أمو وصّاتو و هو يتبّع غير في صحابو
مخو تبورا أكثر من التقشير لي في صباطو
البارح ولاّ غدوة ، جامي فركت خدمة
والف يتعشّى و غدّى و في الليل مطرح و مخدّة
و مبعّد يقولهم هاذ البلاد تاع توسويس
بلاصتي مش لهنا ، نورمالمون أني في لا سويس

اللازمة

المقطع الثالث
حتى الدراري الصغار ولاّر عقلية تاع البرونكس
يحبّوا الارماكس ، لابلاي و لا إكس-بوكس
كرهوا من التاريخ ، الجغرافيا و لي ماث
عادوا يحبّوا غير لي بال و لي فيلم تاع سبيدر مان
ديجا صغير بصغرو ، حاب يولّي كلوندو
ما عليش مارساي ، مدريد ولاّ طورنطو
حافظ الغنايات تاع الطلياني بالروفران
"يا بابور يا مونامور ديماري بينا بلا الفران"
أدوليسون يترامى ، مخو تروطابا
مرض بالكليب تاع دريم و تاع روتانا
عينيه ولاّو بلاّرة ، هبل ولّى يوهّي
من الشطحة تاع شيرين و و اللبسة تاع هيفا وهبي
الطفلة تقول للطفل : ما عنديش الزهر
وعلاش مشك بوغوس كيما مصطفى قمر؟
و الطفل يقول للطفلة : أنتي وجهك مقشٍّر
وعلاش ما عندكش الخدود تاع نانسي عجرم؟
اللازمة