[المقطع الأول]

هاو جاك كلامي كالعادة مشارجي فيه des bombes
عندو ديبلوم م سوسول ماش م السوربون
السامبول تاعو راي نجمة في نص هلال
بالنص تاع الجهاد يا النصر يا الإستشهاد
مالا هاك كاش ماعندك لهنا ربعين محامي
خطاك كلامي عالي سخون يلهب و حامي
الناس كلهم حايرين بارول تاعي حارين
ماديرش بحالي راب تاعي انتحاري
حاب يحارب الشر بالموعضة
ماش بلي بيريطا ولي ؟؟ تاع القاعدة
علاديكا رانا هنا ديما بري ديما صاربين
جامي خوفنا حطاب و لا عنتر زوابري
ديما زادمين و الصوت ماش حا يدوم
مام لكان جابولي؟؟ باه يوكلونا تراب و دود
مالا مدام الظلم يدور و الشعب مزال مطلوب
يبقى يغني قسما version تاع معطوب

[اللازمة]
اسمعني bienخويا هذايا كلامي او ديما كاوي
ديما قاعد يريكلامي
عديكا ولاد لكلاب ليوم راي تكرهني
كلامي fort كلامي fort fort

[المقطع الثاني]

كلامي غالي ماينباعش فالبورص
علاها سحتوني la sécurité في تونس
سيدي البوليس قالي امشي ترافارسي
خطاك أنا نعبد ربي هو يعبد Madame Trabelsi
آه سي وليت دونجي و نديرونجي
لهنا في Algerولا فالخارج ف L'Etranger
حبيت نارونجي عطاوني بالموس فظهري
قلبوني روشارشي اكثر من أيمن الظواهري
هذايا زهري فكل بلاصة نخلي la trace
كلامي ذهب خالص يكره لعباد الرخاس
خطاك شبعنا بخاص كي شفنا قداه رايس
كوندوليزا رايس ولاو كيف لعرايس قدام
لبسوا لمقايس و ليمينوت فاليدين
واحد ما حب ينود باه يدافع على هذا الدين
كانواراقدين خلاو لعوج وحدو خرج
يستاهلو كيما بوش ضربة بالسباط للوجه

[اللازمة]
اسمعني bienخويا هذايا كلامي او ديما كاوي
ديما قاعد يريكلامي
عديكا ولاد لكلاب ليوم راي تكرهني
كلامي fort كلامي fort fort
[المقطع الثالث]

كلامي يحكي على صحابي لي قدامي
قبايلي ولا عربي شاوي مزابي ولا قناوي
لكان oui الراب اخترعوا ولد القاوري
كلامي راو دزيري حر ماشو ماريكاني
كلامي malgré يفيد malgré يقري
بصح ما يسوى والو قدام كلام عائض القرني
كلامي زعمة غالي هه او زعمة غاني
بصح يبان خالي قدام وجدي غنيم
كلامي اداة رسالة بغنايات
و إلا نغلط معليش خطاك كلامي مشو آيات
كلامي صح قاسا بصح ماشو قاصر
مدام قاصد النور لي جابو أبا القاسم
كلامي ناصع فالقلوب راو يتسجل
وكلامي قاسح قادر مام يدي للسجن
كلامي مشو فاشل يعرف وقتاه يترجل
و كلامي مشو فاجر بصح قادر يتفجر

[اللازمة]

اسمعني bienخويا هذايا كلامي او ديما كاوي
ديما قاعد يريكلامي
عديكا ولاد لكلاب ليوم راي تكرهني
كلامي fort كلامي fort fort