ماشي أنا الي اخترت
ماشي أنا الي بغيت
أنا غير حصلت
جبرت راسي فالزنقة صغير و اتحقرت
اتحرقت حيت ماقدرتشي نتيق بلي أنا صافي خسرت
و تخسرت ملي عرفت بلي ما عندي مكان حتى فالزنقة الا خفت
و صافي فهمت واخا ما عمري اقتنعت
بلي أنا إنسان حياتو فالزنقة خلقت
ما عرفتشي علاش مشيت فطريق خوتي و ما كانشي لازم
كانوا سبابي الوالدين ولا الفقر ولا بن آدم
ولا حيت الورد عمروا ينبت في الغيس
ولا حيت الزنقة ليلى ضروري نكون قيس
حياتي تخبلت
أحلامي ذبلت
نظرة الناس عليا صافي دغيا تبدلت
ما بقيتشي نميز شكون لي يتأسف و شكون يتشفى
حيت بجوج لسانهم فظهري تحفى


شنو قيمة الورد ملي يذبل؟
شنو قيمة الأرض بلا جبل؟
شنو قيمة الصحراء بلا رمل؟
شنو قيمة النحلة بلا عسل؟
شنو قيمة بن آدم بلا عقل؟
شنو قيمة القلب إلى كحال؟
حيت إذا الوردة نبتت فالروضة
غاتموت باردة بين الشوك

الزنقة مجنونة
علمتني كيف نعيش بعقلية مسجونة
و نخلي الناس يخافوا منا باش يحترمونا
علمتني نخون العالم او ماقدرتشي نخونها
الزنقة ملعونة
حياتي فيها توفات
ما كنخاف ملي ماجي ما كنبكي علي لي فات
الدموع بزاف سالوا بيا و لا دمعة سالت عليا
من غير الي قتلتها فيا وبالفلوس
وليت مهووس و حتى إبليس إلى عطيتوا يدي غايبوس
و البوليس ... زعمة فالسيرفيس
البلانتوس عندهم بزاف فالكواليس
حناش معايا و حناش مورايا
ما عانديشي صاحبي و الي معايا لقايا
وليت موسخ و الوسخ موقر
وباش ما نعيشي محقور عشت حقار


شنو قيمة الورد ملي يذبل؟
شنو قيمة الأرض بلا جبل؟
شنو قيمة الصحراء بلا رمل؟
شنو قيمة النحلة بلا عسل؟
شنو قيمة بن آدم بلا عقل؟
شنو قيمة القلب إلى كحال؟
حيت إذا الوردة نبتت فالروضة
غاتموت باردة بين الشوك
اياو سنان طاحو فالزنقة و فالحبس ضيعوا سنين
خلاولي ذكريات نجبد معاهم ماضي حزين
خسرت حياتي و خسرت الدنيا و الدين
وليت نفتش على الموت و الموت ما بغى يكون حنين
يدي مقطنين ولى موسخين بالدم
حيت كلشي باغي يسمرلي كلشي باغي يشكم
كلشي باغي يبركك بيا كلشي باغي يخدم
حتى الي كلاو و شربوا معايا بغاو يسقيولي السم
عايش هاني بين الزناقي كاندوب
حفروا لي حفاري
و طلعت العشرة غي كذوب
غي الضرب و الجرح
زارع الرعب فالقلوب
عندي العيب مع العالم
و فحرب الزناقي موهوب
فات الفوت آ صاحبي
موحال ندرك نتوب
كانشوف قرطاسة قاصدة صدري
و قلبي مثقوب
حتى ولى الموت محسوب
و عرفت بلي لمكتاب مكتوب
و أنا الي خترت الأسلوب


شنو قيمة الورد ملي يذبل؟
شنو قيمة الأرض بلا جبل؟
شنو قيمة الصحراء بلا رمل؟
شنو قيمة النحلة بلا عسل؟
شنو قيمة بن آدم بلا عقل؟
شنو قيمة القلب إلى كحال؟
حيت إذا الوردة نبتت فالروضة
غاتموت باردة بين الشوك