تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا



ماشي أنا الي اخترت
[المقطع الأول]
ماشي أنا الي اخترت
ماشي أنا الي بغيت
أنا غير حصلت
جبرت راسي فالزنقة صغير و اتحقرت
اتحرقت حيت ماقدرتشي نتيق بلي أنا صافي خسرت
و تخسرت ملي عرفت بلي ما عندي مكان حتى في الزنقة الا خفت
و صافي فهمت واخا ما عمري اقتنعت
بلي أنا إنسان لحياة الزنقة خلقت
ما عرفتشي علاش مشيت فطريق خوتي و ما كانشي لازم
كانوا سبابي الوالدين ولا الفقر ولا بن آدم
ولا حيت الورد عمروا ينبت في الغيس
ولا حيت الزنقة ليلى ضروري نكون قيس
حياتي تخبلت
أحلامي ذبلت
نظرة الناس عليا صافي دغية تبدلت
ما بقيتشي نميز شكون الي يتأسف و شكون يتشفى
حيت بجوج لسانهم فظهري تحفى

[اللازمة]
شنو قيمة الورد ملي يذبل؟
شنو قيمة الأرض بلا جبل؟
شنو قيمة الصحراء بلا رمل؟
شنو قيمة النحلة بلا عسل؟
شنو قيمة بن آدم بلا عقل؟
شنو قيمة القلب إلى كحال؟
حيت إذا الوردة نبتت فالروضة
غاتموت باردة بين الشوك

[المقطع الثاني]
الزنقة مجنونة
علمتني كيف نعيش بعقلية مسجونة
و نخلي الناس يخافوا مني باش يحترمونا
علمتني نخون العالم او ماقدرتشي نخونا
الزنقة ملعونة
حياتي فيها توفات
ما كنخاف ملي مجي ما كنبكي علي فات
الدموع بزاف سالوا بيا و لا دمعة سالت عليها
من غير الي قتلت فيها وبالفلوس
وليت مهووس و حتى إبليس إلى عطيتوا يدي غايبوس
و البوليس ... زعمة فالسيرفيس
البلانتوس عندم بزاف فالكواليس
حناش معايا و حناش مورايا
ما عانديشي صاحبي و الي معايا لقايا
وليت موسخ و الوسخ موقر
وباش ما نعيشي محقور عشت حقار

[اللازمة]

[المقطع الثالث]
اياو سنان طاحو فالزنقة و فالحبس ضيعوا سنين
خلاولي ذكريات مجمعة و ماضي حزين
خسرت حياتي و خسرت الدنيا و الدين
وليت نفتش على الموت و الموت ما بغى يكون حنين
يدي مقطنين ولى موسخين بالدم
حيت كلشي باغي يسمرني كلشي باغي يشكم
كلشي باغي يبركك بيا كلشي باغي يخدم
حتى الي كلاو و شربوا معايا بغاو يسقيولي السم
عايش هاني بين الزناقي كاندور
حفروا لحفاري
و طلعت العشرة غي ذوب
غي الدرب و الجرح
زرعت الرعب فالقلوب
عندي العيب مع العام
و فحرب الزناقي موهوب
فات الفوت آ صاحبي
موحال ندرك نتوب
كانشوف قرطاسة قاصدة صدري
و قلبي مثقوب
حتى ولى الموت محسوب
و عرفت بلي لمكتاب مكتوب
و أنا الي خترت الأسلوب

[اللازمة]