تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا

[المقطع الاول]
الهيروين حلوة د الشياطين
دخلت بين لحوم و جرات فالشرايين
الدراري حاصلين
فالدروبة عادلين
عايشين واقع مر يدمع العين
هاذو كاملين لي كتشوف كانوا قافزين
كانوا بالصحة ديالهم ، كانوا لابسين
يمكن دوزوا الفلوس ، يمكن دوزوا الصلابة
يمكن كانوا ولاد ناس عمرهم ما نفحوا الطاب
كل واحد و كيفاش جابتو وتبلا
حتى ولات القبلة فين ما كانت الكحلة
عاملين الصف يشريو السم بالفلوس
و البزناز ما علابالوشي راه يقتل فالنفوس
ولاد الحومة ديالو كيموتو عرق بعرق
ما عرفتشي كيفاش اللقمة ادوزلو فالحلق
بين لحرام و الحرام كاين مليون وفرق
صعيب تلقى الخالق بذنوب الخلق


[اللازمة] (X2)
الجناكة عاملين الصف ، فالهيروين يشريو
بين الزناقي دالعين فالحومة يجريو
قاصدين الخرب فالقنات يقليو
والدولة ما علابالها موتو كتشوتيو
[المقطع الثاني]
الهيروين ماين جاتنا؟
كيفاش دخلت من الحدود ، كيفاش دغيا دلعت فبلادنا؟
صعيب ادخل الغرام إذا كنتي غير مواطن عادي
حيت كاين المخزن فبلادي
كيخص راس المال ، كيخص السلطة
خصك شي منصب يتحكم فالشرطة
يعني خصك تكون من رجال الدولة
عندك حصانة و مشاريع مغولة
الشعب عندك خدام و عاطيه أجرة
مكالي على الدولة هموم شحال من أسرة
الحكومة باغية غير مصلحتها
حرك فلوسك و الناس قاضية حاجتها
كيفاش يحاسبوك و انتا شاريهم؟
فحال لبيادق تلعب بيهم
زيد سطوكي بلوكي فالبنوكا
فخاطر الشعب ، سطر الكوكا

[اللازمة] (X2)

[المقطع الثالث]
المهم لي بغيت نقول هو بلي الهيروين
لا فلوس لا صحة لا دنيا لا دين
لا مكانة بين الناس لا رضات الوالدين
غير الذل و الحقرة و مد اليدين
إذا باغي تعيش بنفسك خطيك مالكحلة
لي قبل منك قال موحال نتبلى
اعقل عليه كيف كان
شوفو كيف ولى
سير عندو سقسيه واش عمرو استحلى
غيقلك أنا ميت وخى كنبان ليك حي؟
تبرى مني بابا و طلعت فراس د خي
إذا قلتلك شحال ماقتلت امكن يجيك القي
ملي تشوفني قاصدك اعرف بلي باغي الباي
هاذي حياة الجانكي لي فواحد الوقت كان
عايش حياتو عادي فحال أي إنسان
بغى غير يجرب و طاح فالإدمان
زرف راسو براسو فدموع الندمان
[اللازمة] (X2)