[المقطع الأول]
كان بالا غي فالقراية ديالا تحشم من خيالا
راسا محني فالأرض تمشي نيشان نالدار مللي الحصة تسالا
عقلا كان نقي تفكر كيف تجي من اللولا
صحاباتا قلال و طبعاً ماشي كسالا
حلم ديالا تكون طبيبة
مللي كتشوف البنات سقطوا كتجيها غريبة
حيث هي كتبكي إذا جات من اللولا قريبة
أما إذا جابت غير معدل مصيبة
والديها فالدار كايعيطولا غي المرضية
عملوا كثر من جهدم أو رباوها أحسن تربية
وخا اللي مربي فهاد الوقت كيقولولوا نية
حيث فالمجتمع الفاسد كيكون غير ضحية
كبرت نقية ذكية وربي عطاها الزين
قلبا الحنين عمرو فالدنيا كان حزين
حتى عرفت بللي كاين فالدنيا شياطين
و ذياب و كلاب عاملين عليها العين

[اللازمة]
ماتمشيشْ باشْ ماتبكيشْ
متقشي بالكذوب و خلي الشرف يعيشْ
متخلي حتى ذيـــب من قلبك قريب
يفرسْ أغلى معندك و فالصبح يغـــــيب
أَختي ماتمشيشْ باشْ ماتبكيشْ
متقشي بالكذوب و خلي الشرف يعيشْ
متخلي حتى ذيـــب من قلبك قريب
يفرسْ أغلى معندك و فالصبح يغـــــيب
[المقطع الثاني]
پوڭوص فباب الليسي واقف تالف
موالف يضحك لبنات الناس قلبو من الرحمة ولا ناشف
رَاد البال بللي كبرات قالا بغيت نتعارف
حڭراتو كيفما حڭرات اللي قبل منو يمكن ألف
خونا بقى حالف ڭابلا غير غنان
اللي مادوخ بولد فلان دوخ بالحب و الحنان وعندو حلاوة اللسان
كون مرة كريمة نهار على نهار الغنزورة ولات تبسيمة
صحباتا دخلوا معها قالولا متكونشي معقدة
مسكين كيحماق عليك حشومة عليك تعملو هكذا
عطيه النمرة دالتلفون بعد
و هادشي عادي راك ماشي أول وحدة
خونا موهوب فالتمثيل كلالا عقلا
بالا اللي كان مشغول بالقراية دبا بيه تبلا
ولات ترجع للدار مفافية و معطلة
والديها فغفلة باقيين كايشوفوها طفلة

[اللازمة]
ماتمشيشْ باشْ ماتبكيشْ
متقشي بالكذوب و خلي الشرف يعيشْ
متخلي حتى ذيـــب من قلبك قريب
يفرسْ أغلى معندك و فالصبح يغـــــيب
أَختي ماتمشيشْ باشْ ماتبكيشْ
متقشي بالكذوب و خلي الشرف يعيشْ
متخلي حتى ذيـــب من قلبك قريب
يفرسْ أغلى معندك و فالصبح يغـــــيب
[المقطع الثالث]
واحد النهار قالا بغيت نكونوا الراس فالراس
حيث كان مأكد بللي صافي بغاتو بلا قياس
دغيا زرّفا وخلاها تهرب من الكلاس
مشات معاه وهي تايقة بللي ولد الناس
دخلت برجلا حتى وصلات نفراش الفخ
عاد عرفت بللي الشرف ديالا غايتوسخ
شافت كيف الحبيب ولا ذيب فلحما يفرس
بقات مصدومة وغير كاتبكي بلا حس
الوحش سالا فتحلا الباب تمشي فحالا
حالتا حالة باقة متاقت بللي جرالا
قلبا مجروح و خايفة من الدمعة تفضحا
تقلب الصفحة ولا حسنلا تقول مالا
مشالا كولشي بقلا غير السر المدفون
عارفة بللي السر شحال مابقى عايخون
و الذيب باقي فباب الليسي فاين كايكون
و مخاسر والو بدل غير التلفون

[اللازمة]
ماتمشيشْ باشْ ماتبكيشْ
متقشي بالكذوب و خلي الشرف يعيشْ
متخلي حتى ذيـــب من قلبك قريب
يفرسْ أغلى معندك و فالصبح يغـــــيب
أَختي ماتمشيشْ باشْ ماتبكيشْ
متقشي بالكذوب و خلي الشرف يعيشْ
متخلي حتى ذيـــب من قلبك قريب
يفرسْ أغلى معندك و فالصبح يغـــــيب