تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا

[اللازمة]
اليوم جيت نقول بلي …هكذا أنا هاها ايه
هكذا أنا
جيب العز ولا اكحز … هكذا أنا
قالك الراب هكدا وكلشي هكدا والوقت باغي هكدا .. اهه

[المقطع الأول]
هكذا أنا و هكذا الراب ديالي
مكعلط مغنان و ما كنعمل غي لي في بالي
هكذا جبت العز و العز بيا مكالي
بلاش تحاول تبدلني تضيع في الوقت الغالي
عقلك ماشي عقلي يعني ما تفكرش فحالي
و إذا فكرت فحالك غا نخسر راس مالي
فراس مالي جمهور كيسمعني و راسو عالي
حيت كي يسمع الراب لي ما عمرو يولي بالي
كنكتب من القلب نسهر في الستيديو ليالي
كنحس بأي واحد فحالي حالو هو حالي
شحال من قصة كتبتها ، ألفتها غير من خيالي
جابتا تلاقيت بنادم قالي هكذا جرالي
باقي عاقل ملي جابتا الظروف بغيت نسالي
الراب فالبلاد بقى مشلول بطالي
حتى ظنوا كلالط بلي صافي فمي عيالي
رجعت باش نبغس بقاو هوما فشالي
[اللازمة]
هكذا أنا
كون شني ما بغيتي تكون حيت أنا كاين كيف ما بغيت أنا نكون
هكذا أنا
شكون قاع بغيتي تكون باش تدخل بيني و بين الميكروفون
هكذا أنا

[المقطع الثاني]
هكذا أنا الموسيقى ديالي هكذا
فحال البحر مرة تهيج مرة راقدة
الراب ديالي داير غير في الحوم المقودة
في الغربة و الحبس صوتي عامل فوضى
هكذا أنا مسلم ‘'كابوس الروابا’‘
لي ظنوا يجيبوا العز مني عيمسحوا الكابا
ظنوا بلي الجمهور مكلخ غي كيتموسق
عطاوه الراب مزور بغاوه يصفق
هاه فالطبيعة ديالي غربال
عشراني شحال ؟ عشراني فالراب قلال
عدويا كيحق مزيان بلي فمي قتال
و لي ماشي مستوى قاع ما فالبال
الراب ولى زبالة و الجمهور ماشي زبال
رابيروس طلقوا الريحة و الدومين بسال
كنظن الراب خلق باش يموت معايا
حيت وجهي لي كي يبان مني كيشوف فالمرايا

[اللازمة]
هكذا أنا
كون شني ما بغيتي تكون حيت أنا كاين كيف ما بغيت أنا نكون
هكذا أنا
شكون قاع بغيتي تكون باش تدخل بيني و بين الميكروفون
هكذا أنا
[المقطع الثالث]
هكذا أنا حقار و حايل
ظريف موسوس كنكره لفعايل
معقل مجنون فالزناقي طايل
كتظن بلي كتعرفني ؟ راك غير كتخايل
العالم د الراب قبيح حيت كيخروط النفوس
اليومة زاد قباح ملي دخلوا لفلوس
ولى بيع و شرى ، الروابا ولاو بزناسة
الراب طلع فالبلاد و شبر لبلاصة
كاين لي باع لالبوم و كاين لي باع راسو
طمع يطلع دغية ، فرط فساسو
إذا كان الراب للبيع ما كنبيع لمدرح
كتظن عتاكل خبزي إذا ما باع الفلاح
هكذا ماشية الدنيا كلشي بالمقابل
إذا باغي تطرطق راسك كاين لي يبيع القنابل
و هكذا هو الراب كيطور بالفلوس
و الديفو فالراببرو إذا دخلو الفيروس

[اللازمة]
هكذا أنا
كون شني ما بغيتي تكون حيت أنا كاين كيف ما بغيت أنا نكون
هكذا أنا
شكون قاع بغيتي تكون باش تدخل بيني و بين الميكروفون
هكذا أنا

ميم سين لام ميم