[المقطع الأول]
أنا مش نفس بتاعت إمبارح
ما بقاش قلبي خلاص بيسامح
أنا وحشاني، دي حقيقة
الطفلة الهم كسرها
دلوقتي بقيت أنا غيرها
مش هي
اللي فاضلي مني ملامح
ذكرى بعيدة لزمن رايح
هو أنا ظالمة ولا بريئة؟
السكينة بتسرقني
بحرق غيري وبحرقني
بإيديا

[اللازمة]
وما بنختارش
بتاخدنا ساعات الدنيا وما بنختارش
ونحاول نرجع تاني زي زمان وما بنقدرش
ما بنختارش
بتاخدنا ساعات الدنيا وما بنختارش
آه ونحاول نرجع تاني زي زمان وما بنقدرش
ما بنختارش

[المقطع الثاني]
نغلط غلطة وبنبررها
قصة قديمة وبنكررها
مشهد واحد بنعيده
من أيام حوا وآدم
في حكاية عند الظالم
بيحكيها
وما بين أسوأ وما بين أحلى
كلنا واخدين نفس الرحلة
مشهد واحد بنعيده
وبنلعب نفس اللعبة
تنادينا السكة الصعبة
ونمشيها
[اللازمة]
وما بنختارش
بتاخدنا ساعات الدنيا وما بنختارش
ونحاول نرجع تاني زي زمان وما بنقدرش
ما بنختارش
بتاخدنا ساعات الدنيا وما بنختارش
ونحاول آه بنحاول زي زمان وما بنقدرش
ما بنختارش